အတွေးအခေါ်ပညာ၏ ပြဿနာများ အပိုင်း(၂) ဘာထရန်ရပ်ဆဲ

အတွေးအခေါ်ပညာ၏ပြဿနာများအပိုင်း(၂)
ဘာထရန်ရပ်ဆဲ

ဒီလိုဆိုတော့စားပွဲတကယ်ရှိနေတယ်ဆိုရင်အဲဒီ့တကယ့်စားပွဲဟာကျနော်တို့လက်ငင်းမြင်ရ၊ကြားရ၊တွေ့ထိရတာတွေကနေသိရတဲ့စားပွဲနဲ့မတူဘူးဆိုတာထင်ရှားလာပါတယ်။အဲဒီ့တကယ့်စားပွဲဆိုတာဟာတကယ်ရှိနေတယ်ဆိုရင်လည်းကျနော်တို့ချက်ချင်းလက်ငင်းလုံးဝမသိနိုင်ပဲချက်ချင်းလက်ငင်းသိထားသမျှတွေထဲကကောက်ချက်ဆွဲပြီးတော့မှသာသိနိုင်တယ်လို့ပြောရပါတော့မယ်။ဘာလို့ဒီလိုပြောရလဲဆိုတော့ဒီအခြေအနေမှာအလွန်ခက်တဲ့မေးခွန်းနှစ်ခုတပြိုင်နက်ပေါ်လာလို့ပါပဲ။အတိအကျပြောရရင်တော့၁။အဲဒီ့“တကယ့်”စားပွဲဆိုတာဟာတကယ်ကောရှိပါရဲ့လား? ၂။တကယ်ရှိတယ်ဆိုရင်လည်းဘယ်လိုအရာဝတ္ထုမျိုးဖြစ်နိုင်ပါသလဲ? ဆိုတဲ့မေးခွန်းတွေပါပဲ။

ဒီမေးခွန်းတွေမေးကြည့်ခြင်းအားဖြင့်အဖြေဖြေတဲ့နေရာမှာရိုးရှင်းတဲ့အသုံးတွေနဲ့ဘယ်လိုအဓိပ္ပာယ်လဲဆိုတာကိုတိတိကျကျနဲ့ရှင်းရှင်းလင်းလင်းရဖို့အထောက်အကူပြုမှာပါ။ကျနော်တို့အရင်ဆုံးအာရုံခံစားမှုတွေကနေချက်ချင်းလက်ငင်းသိရတဲ့အရာတွေကိုအာရုံခံအချက်အလက်တွေလို့နာမည်ပေးကြပါစို့။ဥပမာပေးရရင်အရောင်တွေ၊အသံတွေ၊အနံ့တွေ၊မာကျောမှု၊ကြမ်းရှမှုစသဖြင့်ပေါ့။ဒီအရာတွေကိုချက်ချင်းလက်ငင်းသတိပြုမိလိုက်တာတွေကိုလည်းအာရုံခံစားမှုလို့ပဲနာမည်ပေးထားကြပါစို့။ဒါဆိုရင်ကျနော်တို့အရောင်တခုကိုမြင်တဲ့အခါတိုင်းမှာကျနော်တို့ဟာအဲဒီ့အရောင်ရဲ့အာရုံခံစားမှုကိုသတိပြုမိမယ်။ဒါပေမယ့်အဲဒီ့အရောင်ဆိုတာဟာအာရုံခံအချက်အလက်တခုပဲဖြစ်ပြီးတော့အာရုံခံစားမှုမဟုတ်ဘူးဆိုတာခွဲခြားပြောပြီးမြင်လို့ရမယ်။အဲဒီ့အရောင်ဆိုတာဟာကျနော်တို့မြင်စမှာချက်ချင်းသတိပြုမိတဲ့အရာဖြစ်ပြီးတော့အဲဒီ့သတိပြုမှုဟာအာရုံခံစားမှုဖြစ်တယ်။ကျနော်တို့ဟာပြောခဲ့တဲ့စားပွဲရဲ့တည်ရှိမှုအကြောင်းကိုသိဖို့ဆိုရင်ဒါဟာကျနော်တို့ရဲ့စားပွဲနဲ့ပတ်သက်ပြီးတွေ့ရတဲ့အရာတွေဖြစ်တဲ့အညိုရောင်၊လေးထောင့်ပုံ၊ချောမွေ့မှုအစရှိတဲ့အာရုံခံစားမှုအချက်အလက်တွေကတဆင့်သာသိနိုင်တယ်ဆိုတဲ့အချက်ဟာရှင်းပါတယ်။ဒါပေမယ့်ကျနော်တို့အစဦးပိုင်းမှာပြောခဲ့တဲ့အကြောင်းပြချက်တွေ(ကြုံရသောသွင်ပြင်နှင့်ရှိသည်ထင်ရသောအစစ်အမှန်တို့၏ကွဲပြားမှုကိုဖြစ်စေသောဆင်ခြေများ)ကြောင့်ဒီစားပွဲဟာအာရုံခံစားမှုအချက်အလက်တွေဖြစ်တယ်ဆိုတာထက်ဒီအာရုံခံစားမှုအချက်အလက်တွေဟာစားပွဲရဲ့တိုက်ရိုက်ဂုဏ်သိတ္တိတွေဖြစ်တယ်လို့တောင်ပြောလို့မရပါဘူး။ဒါ့ကြောင့်စားပွဲအစစ်ရဲ့တည်ရှိမှုကိုအတည်ယူဖို့အတွက်အာရုံခံစားမှုအချက်အလက်တွေနဲ့စားပွဲအစစ်ရဲ့ဆက်စပ်မှုမှာကိုကပြဿနာပေါ်နေပါတယ်။

တကယ့်စားပွဲဆိုတဲ့အရာရှိတယ်ဆိုရင်ကျနော်တို့ဟာအဲဒီ့ဟာကိုဒြပ်ရှိအရာဝတ္ထုလို့ခေါ်ပါ့မယ်။ဒါ့ကြောင့်ကျနော်တို့ဟာအာရုံခံစားမှုအချက်အလက်တွေရဲ့ဒြပ်ရှိအရာဝတ္ထုတွေအပေါ်မှာဆက်နွယ်မှုတွေကိုစဉ်းစားရပါတော့မယ်။ဒြပ်ရှိအရာဝတ္ထုတွေအားလုံးရဲ့အစုအပေါင်းကို “ဒြပ်ဝတ္ထု”လို့ပဲခေါ်လိုက်မယ်။ဒါ့ကြောင့်ကျနော်တို့ရှေ့ပိုင်းမှာပြောခဲ့တဲ့မေးခွန်းနှစ်ခုဟာအခုလိုအောက်ပါအတိုင်းပုံစံပြန်ပြောင်းလို့ရမယ်။

၁။ဒြပ်ဝတ္ထုဆိုတဲ့အရာဟာတကယ်ပဲရှိသလား၊

၂။ရှိတယ်ဆိုရင်လည်းသူ့သဘောသဘာဝတွေကဘာတွေလဲ။

ကလွိုင်းမြို့ခရစ်ယန်သင်းချုပ်ဘုန်းကြီးဘာကလေ

ကျနော်တို့အာရုံခံစားမှုတွေအရချက်ချင်းလက်ငင်းအသိခံရတဲ့အရာတွေအတွက်ရှိကြောင်းအကြောင်းပြချက်၊သက်သေပြုချက်တွေဟာကျနော်တို့နဲ့လုံးဝကင်းကွာပြီးဖြစ်တည်နေတာမဟုတ်ဘူးဆိုတဲ့သဘောကိုပေါ်လွင်အောင်ပထမဆုံးရှေ့ဆောင်ဖော်ထုတ်ခဲ့တဲ့အတွေးအခေါ်ပညာရှင်ကတော့ဘုန်းတော်ကြီးဘာကလေ(၁၆၈၅-၁၇၅၃)ပဲဖြစ်ပါတယ်။သူ့ရဲ့အရေးအသားတွေဖြစ်တဲ့ဟိုင်းလတ်စ်နဲ့ဖီလိုးနပ်စ်ဆွေးနွေးခန်းသုံးခုမှာသံသယသမားတွေ၊ဘာသာရေးအယုံအကြည်မရှိတဲ့သူတွေကိုတန်ပြန်တဲ့အနေနဲ့ဒြပ်ဝတ္ထုဆိုတာလုံးဝမရှိကြောင်းနဲ့ကမ္ဘာလောကတခုလုံးဟာစိတ်တွေ၊စိတ်ကူးအကြံတွေသာနဲ့သာဖွဲ့စည်းထားတယ်ဆိုတာကိုသက်သေပြဖို့တာဝန်ခံထားခဲ့ပါတယ်။ဒီဆွေးနွေးခန်းတွေမှာဟိုင်းလတ်စ်ဟာဒြပ်ဝတ္ထုတွေရဲ့အရှိတရားကိုယုံကြည်ထားဆဲဖြစ်ပေမယ့်ဖီလိုးနပ်စ်လိုဒြပ်ဝတ္ထုအရှိတရားရဲ့ဝိရောဓိတွေ၊ဟုတ်မလိုနဲ့အဖျားရူးသွားတာတွေကိုအမျိုးမျိုးပြဆိုပြီးမညှာမတာရိုက်သွင်းတတ်တဲ့သူမျိုးနဲ့ဟိုင်းလတ်စ်ဟာမယှဉ်နိုင်ပဲဖြစ်ခဲ့ရပါတယ်။နောက်ဆုံးမှာသူရဲ့ဒြပ်ဝတ္ထုမရှိပါဘူးလို့ငြင်းပယ်ရတာဟာသမရိုးကျဆင်ခြင်သိမြင်နိုင်တဲ့အမြင်တခုလိုဖြစ်သွားတဲ့အထိပါပဲ။ဒီဆွေးနွေးခန်းတွေထဲကငြင်းချက်ထုတ်ထားပုံတွေမှာတန်ဖိုးထားလို့ရနိုင်တဲ့အတိုင်းအတာကွဲပြားမှုအဖုံဖုံရှိနေပါတယ်။တချို့အချက်တွေကအရေးကြီးပြီးတော့ခြေခြေမြစ်မြစ်လည်းရှိပါတယ်။တချို့တွေကတော့ရှုပ်ထွေးနေပြီးကပ်သီကပ်ဖဲ့ပြောသလိုဖြစ်နေတာလည်းရှိပါတယ်။ဒါပေမယ့်အဓိပ္ပာယ်မရှိရမ်းသမ်းပြောတာတွေမပါပဲဒြပ်ဝတ္ထုရဲ့တည်ရှိမှုကိုငြင်းလို့ရတယ်ဆိုတာကိုဘာကလေကအဦးဆုံးအနေနဲ့ထိုက်ထိုက်တန်တန်ပြခဲ့သူဖြစ်တယ်ဆိုတာကိုတွေ့ရပါတယ်။သူကကျနော်တို့နဲ့သီးခြားရပ်တည်ပြီးဖြစ်တည်နေတဲ့အရာတွေဆိုတာရှိတယ်ဆိုရင်တောင်ဒါတွေဟာကျနော်တို့အာရုံခံစားမှုတွေရဲ့ချက်ချင်းအသိခံအရာတွေပဲလို့ပြောလို့မရနိုင်ဘူးဆိုတာကိုလည်းပြောခဲ့ပါသေးတယ်။

ကျနော်တို့ဟာဒြပ်ဝတ္ထုရှိမရှိဆိုတာမေးခွန်းထုတ်ကြပြီဆိုရင်ကွဲပြားမှုအမေးနှစ်ခုရှိနေတယ်ဆိုတာကိုရှင်းရှင်းလင်းလင်းဖြစ်ဖို့အရေးကြီးပါတယ်။ကျနော်တို့ဟာဒြပ်ဝတ္ထုလို့ပြောတယ်ဆိုရင်အများအားဖြင့်စိတ်ဆိုတဲ့နာမ်ပိုင်းဆိုင်ရာနဲ့ဆန့်ကျင်ဘက်အရာကိုဆိုလိုကြတာဖြစ်ပါတယ်။ဒီဆိုလိုမှုမှာဒြပ်ဝတ္ထုဆိုတာဟာဟင်းလင်းပြင်တခုမှာနေရာလပ်တခုကိုယူထားတဲ့အရာဖြစ်ပြီးအခြေခံအားဖြင့်ကိုကိုယ်ပိုင်အတွေးနဲ့သိမှုတွေမလုပ်နိုင်တဲ့အရာဆိုတဲ့သဘောလည်းပါဝင်ပြီးဖြစ်ပါတယ်။ဘာကလေဟာဒီသဘောတရားကိုအဓိကအခြေခံပြီးဒြပ်ဝတ္ထုရဲ့တည်ရှိမှုကိုငြင်းဆိုတာဖြစ်ပါတယ်။သူကစားပွဲရဲ့တည်ရှိမှုကိုညွှန်ပြနေတဲ့သင်္ကေတတွေအဖြစ်ကျနော်တို့သာမန်အားဖြင့်မှတ်ယူထားကြတဲ့အာရုံခံစားမှုအချက်အလက်တွေဟာကျနော်တို့နဲ့ကင်းကွာပြီးဖြစ်တည်နေတဲ့အရာတခုခုကိုညွှန်ပြနေတဲ့တကယ့်သင်္ကေတတွေဖြစ်တယ်ဆိုတာကိုမငြင်းပါဘူး။သူကအဲဒီ့သီးခြားဖြစ်တည်နေတဲ့အရာဟာရုပ်ဝတ္ထုဒြပ်ဝတ္ထုလို့ပြောနေကြတဲ့စိတ်ပိုင်းနာမ်ပိုင်းနဲ့မဆိုင်တဲ့အရာတခုလိုပြောနေကြတာ၊စိတ်လည်းမဟုတ်၊စိတ်တခုကတွေးတဲ့စိတ်ကူးအကြံအစည်လည်းမဟုတ်(ဒြပ်ရှိရုပ်ဝတ္ထု)လို့ပြောနေကြတာကိုငြင်းပါတယ်။သူကစားပွဲလိုအရာဝတ္ထုမျိုးဟာကျနော်တို့အခန်းထဲကနေထွက်သွားရင်၊မျက်စိမှိတ်ထားလိုက်ရင်တောင်ဆက်ရှိနေမယ့်အရာတခုဖြစ်တယ်ဆိုတာကိုတော့ဝန်ခံပါတယ်။နောက်ပြီးတော့ကျနော်တို့စားပွဲကိုမြင်တယ်ဆိုတာဟာကျနော်တို့ကြည့်မနေဘူးဆိုရင်တောင်တစုံတခုဟာဆက်ရှိနေနိုင်တယ်ဆိုတာကိုယုံကြည်ဖို့အတွက်လုံလောက်တဲ့အကြောင်းပြချက်ပေးတယ်ဆိုတာကိုလည်းဘာကလေကမငြင်းပါဘူး။ဒါပေမယ့်သူကအဲဒီ့တကယ်ရှိနေသောတစုံတရာဟာကျနော်တို့မြင်ရာကနေရတဲ့အရာနဲ့ကွဲကွဲပြားပြားကြီးဖြစ်နေနိုင်တယ်လို့သူကမထင်ပါဘူး(သွင်ပြင်နဲ့အစစ်အမှန်ကွဲတယ်လို့မထင်ပါဘူး)။အဲဒီ့တစုံတရာရဲ့တည်ရှိမှုဟာကျနော်တို့မြင်ရခြင်းနဲ့တိုက်ရိုက်မသက်ဆိုင်ပဲဖြစ်တည်နေတယ်ဆိုပေမယ့်လည်းအဲဒီ့တစုံတရာကိုမြင်ရခြင်းနဲ့သူ့ရဲ့ဖြစ်တည်ခြင်းဟာလုံးလုံးလျာလျားကြီးသီးခြားဖြစ်မနေနိုင်ဘူးလို့လဲသူကယူဆပါတယ်။ဒီယူဆချက်ကနေပြီးဘာကလေကတကယ့်စားပွဲဆိုတာဟာဘုရားသခင်ရဲ့စိတ်ထဲကစိတ်ကူးအကြံအစည်သာဖြစ်တယ်လို့သူကကောက်ချက်ဆွဲလိုက်ပါတယ်။ဒီဘုရားသခင်စိတ်ထဲကစားပွဲဆိုတဲ့စိတ်ကူးစိတ်သန်းဟာကျနော်တို့ရဲ့ကြုံတွေ့ရမှု(ဥပမာ-မြင်မှု)အပေါ်မှီခိုစရာလိုပဲတည်မြဲနေတဲ့အရာဖြစ်ခြင်းဆိုတဲ့အရည်အချင်းလည်းရှိနေတယ်လို့ဘာကလေကယူဆပါတယ်။ဒီလိုသာမဟုတ်ခဲ့ရင်ဒီတကယ့်ဒြပ်ရှိအရာဝတ္ထုဆိုတာဟာကျနော်တို့သေချာမသိနိုင်ပဲတိုက်ရိုက်ရော၊ချက်ချင်းလက်ငင်းအတွေ့အကြုံအနေနဲ့ပါဘယ်တော့မှမသိနိုင်တဲ့ကောက်ချက်ချပြီးယူဆရတဲ့အရာပဲဖြစ်နေလိမ့်မယ်လို့ဘာကလေကဆိုပါတယ်။

ဘာကလေပေါ်လာတဲ့ကာလကစပြီးတခြားအတွေးအခေါ်ပညာရှင်တွေကလည်းစားပွဲရဲ့တည်ရှိမှုဟာကျနော်တို့မြင်ခြင်းအပေါ်မှာမူတည်မနေပေမယ့်သိစိတ်တစုံတရာရဲ့မြင်ခြင်း(နည်းနည်းရှင်းအောင်ပြောရရင်အာရုံခံစားမှုတခုရဲ့မြင်ခြင်း)အပေါ်မှာမှီခိုနေတယ်လို့လက်ခံထားကြပါတယ်။ဒီသိစိတ်တစုံတရာဟာဘုရားသခင်ရဲ့စိတ်ဖြစ်ကိုဖြစ်ရမယ်လို့တော့မပြောကြပါဘူး။သူတို့ပြောလေ့ရှိတဲ့ပုံစံကတော့စကြဝဋ္ဌာတခုလုံးမှာရှိတဲ့စိတ်အစုအပေါင်းသဘောမျိုးရဲ့မြင်ခြင်းအပေါ်မှာစားပွဲရဲ့တည်ရှိခြင်းကမူတည်နေတယ်ဆိုတာမျိုးပါ။သူတို့ဒီလိုမြင်သလိုခပ်ဆင်ဆင်ပဲဘာကလေးကမြင်တာပါ။အဓိကအဲဒီ့လိုမြင်ရတဲ့အကြောင်းအရင်းကတော့စိတ်တွေရယ်၊အတွေးတွေရယ်၊ခံစားမှုတွေရယ်ကလွဲလို့ရုပ်ဒြပ်အစစ်ဆိုတာမရှိနိုင်ဘူးဒါမှမဟုတ်ဘယ်လောက်အတိုင်းအတာပဲဖြစ်ဖြစ်ရုပ်ဒြပ်အစစ်ဘယ်လိုဆိုတာလုံးဝမသိနိုင်ဘူးလို့ဒီအတွေးအခေါ်ပညာရှင်တွေအားလုံးလိုလိုကယူဆထားကြလို့ပါပဲ။သူတို့ဘယ်ပုံဘယ်နည်းနဲ့သူတို့အမြင်ကိုသူတို့အထောက်အကူယူထားလဲဆိုတာကိုအခြေခံပြီးတော့ကျနော်တို့ကအခုလိုအာဘော်တခုထုတ်ကြည့်လို့ရမယ်ထင်ပါရဲ့။

“ပုဂ္ဂိုလ်တဦးတယောက်၏တွေး၍ရသည်မှန်သမျှသည်ထိုပုဂ္ဂိုလ်၏စိတ်တွင်းမှအတွေးအကြံပင်ဖြစ်လေသည်။ထို့ကြောင့်စိတ်တွင်းတွင်အတွေးအကြံများမရှိပဲဘာကိုမျှတွေးနိုင်စရာမရှိချေ။ထို့ကြောင့်ထိုအတွေးအကြံများမှလွဲ၍အခြားအရာမှန်သမျှသည်စိတ်ကူးပေါက်ကြည့်၍ရကောင်းသောအရာများမဟုတ်တော့ပါ။ထိုစိတ်ကူးပေါက်ကြည့်၍မရနိုင်သောအရာဟူသည်တည်လည်းမတည်ရှိနိုင်ပါ။”

ကျနော့အထင်တော့ဒီလိုအာဘော်မျိုးဟာယုတ္တိအမှားကြီးအပေါ်အခြေခံထားတယ်ဆိုပေမယ့်လည်းဒါကိုဆထပိုးတိုးပြီးပြောကြတဲ့သူတွေဟာခပ်တိုတိုဒါမှမဟုတ်ခပ်လွယ်လွယ်ပြောလိုက်ကြတာမဟုတ်ဘူးဆိုတာလည်းဟုတ်ပါတယ်။ဒါပေမယ့်မှန်တာမှားတာအသာထားဒီအာဘော်မျိုးဟာအလွန်ကျယ်ပြန့်တဲ့ချဲ့ထွင်တဲ့ပုံစံအမျိုးမျိုးနဲ့အတွေးအခေါ်ပညာရှင်အများစုလို့ပြောလို့ရနိုင်တဲ့အတွေးအခေါ်ပညာရှင်ပေါင်းမြောက်များစွာကချဲ့ထွင်ပြောဆိုထားခဲ့ကြတာပါ။သူတို့စွဲယူထားတဲ့အမြင်ကတော့ “စိတ်နဲ့သူ့ရဲ့အတွေးအကြံတွေကလွဲလို့ကျန်တာအစစ်အမှန်မဟုတ်ဘူး” ဆိုတာပါပဲ။ဒီလိုအတွေးအခေါ်ပညာရှင်တွေကိုတွေးကြံဝါဒီ(idealist)တွေလို့ခေါ်ကြပါတယ်။သူတို့တွေဟာဒြပ်ဝတ္ထုနဲ့ပတ်သက်ပြီးရှင်းလင်းပြကြပြီဆိုရင်ဘာကလေပြောသလိုဒြပ်ဝတ္ထုဟာတကယ်တမ်းအတွေးအကြံအစုအပေါင်းတွေကလွဲလို့ဘာမှမဟုတ်ပါဘူးလို့ပြောလေ့ရှိကြပါတယ်။ဒါမှမဟုတ်ရင်လည်းလိုက်ဘနစ်ဇ်(၁၆၄၆-၁၇၁၆)ပြောသလိုဒြပ်ဝတ္ထုလို့ထင်ရတဲ့အရာဟာမည်ကာမတ္တမျှသာဖြစ်တဲ့အခြေခံစိတ်ကလေးတွေအနည်းနဲ့အများရဲ့အစုအပေါင်းတခုသာဖြစ်တယ်လို့လည်းပြောပါလိမ့်မယ်။

ဒါပေမယ့်ဒီအတွေးအခေါ်ပညာရှင်တွေကဒြပ်ဝတ္ထုဟာစိတ်နဲ့မတူတဲ့ဆန့်ကျင်ဘက်ဆိုတာကိုငြင်းကြပေမယ်လို့ဘာလိုပဲပြောပြောတခြားအဓိပ္ပာယ်တခုနဲ့တော့လက်ခံထားကြပါတယ်။ကျနော်တို့မေးခဲ့တဲ့မေးခွန်းနှစ်ခုကိုမှတ်မိကြမယ်ဆိုရင်၁။တကယ့်စားပွဲဆိုတာရောရှိရဲ့လား၊၂။တကယ်ရှိတယ်ဆိုရင်လည်းဘယ်လိုအရာဝတ္ထုမျိုးဖြစ်နိုင်ပါသလဲဆိုတဲ့မေးခွန်းနှစ်ခုကိုတွေ့ပါလိမ့်မယ်။ဒီလိုမေးခွန်းမျိုးတွေအတွက်ဆိုရင်ဘာကလေနဲ့လိုက်ဘနစ်ဇ်တို့နှစ်ယောက်လုံးကတကယ့်စားပွဲဆိုတာကိုရှိတယ်လို့ဝန်ခံပါတယ်။ဒါပေမယ့်ဘာကလေကဒီရှိတယ်ဆိုတဲ့စားပွဲဟာဘုရားသခင်ရဲ့စိတ်ထဲကတစုံတရာသောအတွေးအကြံတွေပဲလို့ပြောပါတယ်။လိုက်ဘနစ်ဇ်ကတော့ဒီတကယ့်စားပွဲဆိုတာဟာအသက်ဝင်ခြင်းတွေစုနေတဲ့တနေရာ(a colony of souls)လို့ဆိုပါတယ်။ဒါ့ကြောင့်သူတို့နှစ်ယောက်စလုံးဟာကျနော်တို့ရဲ့ပထမမေးခွန်းကိုဟုတ်မှန်ကြောင်းဖြေဆိုထားပြီးတော့သာမန်လူအများအမြင်အရပဲသူတို့ရဲ့ဒုတိယမေးခွန်းအပေါ်ဖြေဆိုပုံကကွဲပြားနေတာပါ။တကယ်တမ်းပြောမယ်ဆိုရင်အတွေးအခေါ်ပညာရှင်တွေအားလုံးလိုလိုကတကယ့်စားပွဲရှိတယ်ဆိုတာကိုသဘောတူကြပါတယ်။ကျနော်တို့ရဲ့အာရုံခံစားမှုအချက်အလက်တွေဖြစ်ကြတဲ့အရောင်၊ပုံပန်း၊ချောမွေ့မှုစတဲ့အာရုံခံစားမှုတွေဖြစ်ပေါ်ဖို့ဆိုတာဟာကျနော်တို့ရဲ့(စိတ်)အပေါ်မှာဘယ်လောက်ပဲမူတည်နေနေဒီခံစားမှုအချက်အလက်တွေပေါ်တယ်ဆိုတာကပဲတစုံတရာဟာကျနော်တို့နဲ့သီးခြားဖြစ်တည်နေတယ်ဆိုတဲ့အမှတ်အသားတခုဖြစ်နေတယ်ဆိုတာကိုအဲဒီ့အတွေးအခေါ်ပညာရှင်အားလုံးလိုလိုကသဘောတူကြပါတယ်။ကျနော်တို့ရဲ့အာရုံခံစားမှုအချက်အလက်တွေနဲ့လုံးလုံးလျားလျားသီးခြားကွဲပြားဖြစ်တည်နေနိုင်တဲ့တစုံတရာ(စားပွဲ)ဟာကျနော်တို့(တကယ့်စားပွဲနဲ့အာရုံတခုခုအားဖြင့်)နီးစပ်မှုရှိလာတဲ့အခါတိုင်းမှာအဲဒီ့ရှိနေတဲ့ဟာ(စားပွဲ)ကပဲအာရုံခံစားမှုအချက်အလက်တွေကိုဖြစ်စေတာလို့လည်းသူတို့တွေသဘောတူထားကြပါတယ်။

ဒီနေရာမှာစားပွဲရဲ့သဘောသဘာဝဟာဘယ်လိုပဲဖြစ်ဖြစ်(ရုပ်ပဲဖြစ်ဖြစ်၊စိတ်ပဲဖြစ်ဖြစ်)သိသာနေတဲ့အချက်ဖြစ်တဲ့ဒီအတွေးအခေါ်ပညာရှင်တွေရဲ့တကယ့်စားပွဲရှိတယ်ဆိုအချက်ဟာပဓာနကျကျအရေးကြီးပါတယ်။ကျနော်တို့တကယ့်စားပွဲရဲ့သဘောသဘာဝတွေနဲ့ပတ်သက်လို့နောက်ထပ်မေးခွန်းတွေမထုတ်ခင်အခုနောက်ဆုံးပြောခဲ့တဲ့အမြင်ကိုလက်ခံဖို့ရာအတွက်ဘာအကြောင်းပြချက်တွေရှိပါလိမ့်မလဲဆိုတာကိုသုံးသပ်ရင်ကောင်းပါလိမ့်မယ်။ကျနော်တို့ဒီစာအုပ်ရဲ့နောက်တခန်းမှာတကယ့်စားပွဲဆိုတာရှိမရှိယူဆဖို့အကြောင်းပြချက်တွေနဲ့ပတ်သက်ပြီးဆက်ပြောပါမယ်။

ကျနော်တို့ရှေ့ဆက်ပြီးမသွားခင်အခုအချိန်အထိကျနော်တို့ဘာတွေရှာဖွေတွေ့ရှိခဲ့သလဲဆိုတာကိုခဏလောက်စဉ်းစားသုံးသပ်ကြည့်ရင်ကောင်းပါလိမ့်မယ်။ကျနော်တို့ဟာအာရုံတွေနဲ့သိလို့ရတယ်လို့ယူဆရတဲ့သမရိုးကျအရာဝတ္ထုတွေထဲကကြိုက်ရာတခုကိုယူပြီးပြောမယ်ဆိုရင်ကျနော်တို့အာရုံတွေကလက်ငင်းပြောလိုက်တာတွေဟာအဲဒီ့အရာဝတ္ထုရဲ့အခြေအနေအမှန်ကိုပြောနေတာမဟုတ်ပဲအဲဒီ့အရာကကျနော်တို့နဲ့ကင်းကွာပြီးဖြစ်တည်နေပုံရပါတယ်။ဒါပေမယ့်ကျနော်တို့အခုအချိန်အထိမြင်နိုင်သလောက်ပြောရမယ်ဆိုရင်ကျနော်တို့နဲ့အဲဒီ့အရာရဲ့အကြားကဆက်စပ်မှုပုံစံတွေ(အမှောင်ထဲတွင်မြင်ရပုံ၊အလင်းထဲတွင်မြင်ရပုံ၊သာမန်မျက်စိနှင့်မြင်ရပုံ၊အဏုကြည့်မှန်ပြောင်းနှင့်မြင်ရပုံတို့ကွဲပြားနေခြင်းများ)အပေါ်မှာမူတည်နေတဲ့အာရုံခံစားမှုအချက်အလက်တချို့နဲ့ပတ်သတ်တဲ့အခြေအနေအမှန်တွေကိုပဲအာရုံခံစားမှုတွေကနေတဆင့်လက်ငင်းသိနိုင်သလိုဖြစ်နေပုံရပါတယ်။ဒါ့ကြောင့်ကျနော်တို့တိုက်ရိုက်မြင်ရ၊ခံစားရတာတွေကသွင်ပြင်မျှသာဖြစ်နေပြီးတော့ဒီသွင်ပြင်ကပဲကျနော်တို့ထင်ထားတဲ့နောက်ကွယ်ကအစစ်အမှန်တခုခုကိုညွှန်းဆိုနေတဲ့သင်္ကေတတခုဖြစ်တယ်လို့ယူဆရပါမယ်။ဒါပေမယ့်အစစ်အမှန်ဆိုတာဟာဖြစ်ပုံရတဲ့ဟာမဟုတ်ဘူးဆိုရင်ကျနော်တို့မှာအဲဒီ့အစစ်အမှန်တစုံတခုလုံးလုံးကြီးရှိမရှိပြောဖို့ရာအတွက်သိနိုင်စရာလမ်းကြောင်းကောရှိပါဦးမလား…။တကယ်လို့လမ်းကြောင်းရှိတယ်ဆိုရင်လည်းအဲ့ဒါဘာလဲဆိုတာရှာဖို့နည်းလမ်းကောကျနော်တို့မှာရှိပါရဲ့လား…။

ဒီလိုမေးခွန်းမျိုးတွေဟာစိတ်ရှုပ်ထွေးစေပါတယ်။နောက်ပြီးတော့(ဒီလိုအခြေအနေမှာ)ကျနော်တို့အတွက်အထူးဆန်းဆုံးဖြစ်နေနိုင်မယ့်ဘာကြိုတင်ယူဆချက်မှမပါတဲ့ဆင်ဆင်ခြင်ခြင်ဆက်ပြောလို့ရတဲ့အဆိုတွေတောင်မှမှန်မှမှန်ပါ့မလားဆိုတာအလွန်သိရခက်နေပါတယ်။ဒါ့ကြောင့်ကျနော်တို့နဲ့မျက်မှန်းတမ်းမိနေတဲ့စားပွဲတောင်မှအသေးဆုံးသံသယလေးတွေစထားပြီးပြောရာကနေအခုအချိန်အထိသံသယတွေကြီးထွားလာလိုက်တာဟာမမျှော်လင့်တဲ့ဖြစ်နိုင်ချေတွေအများကြီးရှိနေတဲ့ပြဿနာကြီးတခုလိုဖြစ်လာပါတော့တယ်။ကျနော်တို့စားပွဲနဲ့ပတ်သက်ပြီးသိလိုက်ရတာတခုကတော့သူ့ရဲ့ထင်ရမြင်ရပုံပေါ်တဲ့အတိုင်းတကယ်မဟုတ်ဘူးဆိုတဲ့အသိပါပဲ။အခုလိုအသင့်အတင့်ရှိတဲ့ရလဒ်ကိုကျော်ပြီးစဉ်းစားမယ်ဆိုရင်အခုလောလောဆယ်အထိကျနော်တို့မှာကြိုက်သလောက်ထင်ကြေးပေးနိုင်တဲ့အခြေအနေရှိနေပါတယ်။လိုက်ဘနစ်ဇ်ကကျနော်တို့ကိုစားပွဲဟာအသက်ဝင်ခြင်းတွေရဲ့အစုအဖွဲ့တခုလို့ပြောပါတယ်၊ဘာကလေကစားပွဲဟာဘုရားသခင်ရဲ့စိတ်ထဲကအတွေးအကြံတခုလို့ကျနော်တို့ကိုပြောပါတယ်၊ဣနြေ္ဒရရမိန့်မိန့်ကြီးရှိနေတဲ့သိပ္ပံပညာကြီးကတော့ရှားရှားပါးပါးရင်သပ်ရှုမောလောက်စရာနည်းနေတဲ့ပြောပုံမျိုးနဲ့စားပွဲဟာလျှပ်စစ်ဓါတ်အားအစုပေါင်းမြောက်များစွာကြမ်းကြမ်းတမ်းတမ်းရွေ့လျားနေကြတဲ့အစုအပေါင်းတခုဖြစ်တယ်လို့ကျနော်တို့ကိုပြောပါတယ်။

ဒီလိုအံ့သြစရာဖြစ်နိုင်ချေတွေထဲကဝင်လာတဲ့သံသယကတော့ဒီစားပွဲဆိုတာလုံးဝမရှိတာမျိုးလည်းဖြစ်နိုင်တယ်လို့ရည်ညွှန်းပြောဆိုနေပါတယ်။အတွေးအခေါ်ပညာဟာကျနော်တို့ဆန္ဒရှိသလောက်မေးခွန်းအများကြီးကိုမဖြေနိုင်ဘူးဆိုရင်တောင်မှအနည်းဆုံးတော့နေ့စဉ်ဘဝကသမရိုးကျအဖြစ်ဆုံးအရာတွေထဲမှာတောင်ကိန်းအောင်းနေနိုင်တဲ့ထူးထွေတဲ့ရင်သပ်ရှုမောဖွယ်ရာတွေကိုပြပြီးလောကအပေါ်စိတ်ဝင်စားမှုတွေတိုးစေတဲ့မေးခွန်းတွေထုတ်နိုင်တဲ့စွမ်းအားတခုတော့ရှိနေပါသေးတယ်။