အတွေးအခေါ်ပညာ၏ ပြဿနာများ အပိုင်း(၆) ဘာထရန်ရပ်ဆဲ


ရုပ်ဒြပ်ဆိုင်ရာဟင်းလင်ပြင်အမှန်တကယ်ပင်ရှိသည်ဟုယူဆပြီးထို့ကြောင့်ပင်လျှင်၎င်းဟင်းလင်းပြင်သည်ပုဂ္ဂလဟင်းလင်းပြင်များနှင့်လိုက်လျောညီထွေစွာရှိနေနိုင်သည်ဟုယူဆမည်ဆိုလျှင်ထိုဟင်းလင်းပြင်အားကျနော်တို့မည်သို့သိနိုင်မည်နည်း။ကျနော်တို့သည်ထိုလိုက်လျောညီထွေရှိမှုရှိကြောင်းသေချာစေရေးအတွက်လိုအပ်သလောက်သာလျှင်ထိုဟင်းလင်းပြင်အားသိရှိနိုင်ပါသည်။ဆိုလိုသည်မှာကျနော်တို့သည်ထိုရုပ်ဒြပ်ဆိုင်ရာ (ဘုံဖြစ်သော၊ပုဂ္ဂလမဆန်သော) ဟင်းလင်းပြင်အား၎င်းကိုယ်တိုင်မည်သို့မည်ပုံဖြစ်ရှိသည်ကိုသိနိုင်ခြင်းမရှိပဲရုပ်ဒြပ်ရှိအရာဝတ္ထုများ၏အချင်းချင်းအကွာအဝေးအနီးအဝေးဆိုင်ရာဆက်စပ်မှုမှတဆင့်ပေါ်ပေါက်လာသောစီစဉ်ချထားမှုပုံစံတမျိုးမျိုးမှနေ၍သာ (ထိုဘုံဟင်းလင်းပြင်ရှိနေကြောင်း) သိရှိနိုင်၏။ဥပမာအားဖြင့်နေကြတ်/လကြတ်ဖြစ်စဉ်တခုတွင်ကျနော်တို့သည်ကမ္ဘာ၊လနှင့်နေတို့မျဉ်းတပြေးတည်းဖြစ်နေကြောင်းကိုထိုဖြစ်စဉ်အတွင်းရုပ်ဒြပ်ပိုင်းဆိုင်ရာမျဉ်းတပြေးတည်းဟူသောအခြေအနေကိုယ်တိုင်အားတိတိပပပြောဆိုရန်ခက်ခဲသော်လည်းကျနော်တို့၏အမြင်ပိုင်းဆိုင်ရာဟင်းလင်းပြင်တွင်မျဉ်းဖြောင့်တကြောင်းသည်မည်သို့ရှိမည်ကိုတော့ပုံဖော်နိုင်ကြသည်။(ဆိုလိုသည်မှာနေ၊လ၊ကမ္ဘာတို့၏မျဉ်းတပြေးတည်းဖြစ်မှုဟူသောအခြေအနေသည်၎င်းသုံးခုတို့၏တဆက်တည်းတဖြောင့်တည်းရှိနေမှုအပေါ်တွင်အခြေခံပေါ်ပေါက်လာသောကြောင့်၎င်းမျဉ်းတပြေးတည်းဟူသောအရာသက်သက်အားဖော်ပြခြင်းငှာမဖြစ်နိုင်ပဲ၎င်းသုံးခုသောအရာတို့၏ဟင်းလင်းပြင်အတွင်းအချင်းချင်းအပြန်အလှန်တည်နေပုံကိုသာလျှင်အမှီပြုပြီးထိုမျဉ်းတပြေးတည်းဖြစ်ခြင်းဟူသောဖြစ်စဉ်ရှိလာသည်ဟုအမြင်အားဖြင့်ဆုံးဖြတ်ပြောဆိုနိုင်ခြင်းဖြစ်သည်။ဘာသာပြန်သူ)ထို့ကြောင့်ကျနော်တို့သည်ရုပ်ဒြပ်ဆိုင်ရာဟင်းလင်းပြင်အတွင်းရှိအကွားအဝေးများ၏ဆက်စပ်မှုဆိုင်ရာများကိုထိုအကွာအဝေးများကိုယ်တိုင်သက်သက်ထက်ပိုမိုသိရှိလာကြရသည်။(ဆိုလိုသည်မှာအကွာအဝေးတခုသက်သက်၏ဂုဏ်ရည်သည်အခြားအရာများနှင့်စပ်ဆက်မှုတခုခုရှိမှသာလျှင်သူ၏ဂုဏ်ရည်အားဖော်ပြ၍ရသောကြောင့်ထိုသဘောအားသိရှိလာသည်ဟုဆိုလို၏ဥပမာမောင်လှအရပ်ရှည်သည်ဆိုသည်ထက်မောင်လှသည်မောင်မြသို့မဟုတ်တဦးဦးထက်ပိုအရပ်ရှည်သည်ဟူသောပြောဆိုပုံကပိုအဓိပ္ပာယ်ပါပုံမျိုးဖြစ်သည်။)ပြောလိုရင်းမှာကျနော်တို့သည်အကွာအဝေးတခုသည်အခြားတခုထက်ပိုကြီးချင်ကြီးမည်သို့မဟုတ်တစုံတခုသောအရာ(များ)နှင့်မျဉ်းတပြေးတည်းဖြစ်ချင်ဖြစ်နေမည်၊ထို(ဘုံဆန်သော) ရုပ်ဒြပ်ပိုင်းဆိုင်ရာ (ဟင်းလင်းပြင်အတွင်းရှိ) အကွာအဝေးများအားကျနော်တို့၏ပုဂ္ဂလဟင်းလင်းပြင်အတွင်းရှိအကွာအဝေးများ၊သို့မဟုတ်အရောင်များသို့မဟုတ်အသံများသို့မဟုတ်အခြားအာရုံခံစားမှုအချက်အလက်များအားချက်ချင်းလက်ငင်းသိရှိခံစားနိုင်လိုက်သကဲ့သို့ခံစားနိုင်ခြင်းမရှိနိုင်ပါ။(ဥပမာကျနော်ယခုလောလောလတ်လတ်ပင်ထိုင်နေလျက်ရှိသောစားပွဲထက်ကျနော်ကအရပ်ရှည်သည်ဟူသောအချက်အားအခြားမည်သူမဆိုထက်ကိုယ်တိုင်ကိုယ်ကျခံစားသိရှိနိုင်သော်လည်းမောင်လှသည်မောင်မြထက်အရပ်ရှည်သည်ဟူသောစကားရပ်အားကြားမိ၊ဖတ်မိသည်ဆိုလျှင်၎င်းအရပ်ရှည်မှုဖြစ်စဉ်အတွင်းအရပ်ရှည်မှုဖြစ်စဉ်အားသိရှိနိုင်ရန်မောင်လှတဦးထဲသာလျှင်ထည့်သွင်းစဉ်းစား၍သဘောမပေါက်နိုင်ပဲမောင်မြနှင့်နှိုင်းယှဉ်ဆက်စပ်ကြည့်မှုကိုပါပြုလုပ်ရကြောင်း၊ထိုပြုလုပ်ခြင်းဖြစ်စဉ်အတွင်းမှသာလျှင်ထိုအရပ်(ပို)ရှည်မှုဖြစ်စဉ်အားသဘောပေါက်နိုင်မည်ဖြစ်သည်။ဘာသာပြန်သူ)ဆိုလိုသည်မှာကျနော်တို့သည်မွေးဖွားစဉ်ကတည်းကမျက်စိမမြင်သူတဦးသည်အခြားလူများ၏အမြင်အရသိရသောဟင်းလင်ပြင်ကိုသိသကဲ့သို့ကျနော်တို့သည်ရုပ်ဒြပ်ဆိုင်ရာ (ဘုံ)ဟင်းလင်းပြင်ကိုသိရှိနိုင်သော်လည်းထိုမျက်မမြင်ကိုယ်တိုင်ဆိုလျှင်ထိုအမြင်အရသိရသောဟင်းလင်ပြင်အားမည်သို့မျှမသိနိုင်သကဲ့သို့ပင်ကျနော်တို့သည်လည်း (ဘုံဖြစ်သော) ရုပ်ဒြပ်ဆိုင်ရာဟင်းလင်းပြင်ကိုမသိရှိနိုင်ပေ။(နှိုင်းရဖြစ်မှုအရသာလျှင်အားလုံးနှင့်ဆိုင်သောဘုံဟင်းလင်းပြင်ဆိုသည်ကိုသိရှိနိုင်ပြီးသူ့ချည်းသက်သက်အားသိရန်မဖြစ်နိုင်ဟုဆိုလိုသည်ဘာသာပြန်သူ)ကျနော်တို့သည်အာရုံခံစားမှုအချက်အလက်များနှင့်လိုက်လျောညီထွေဖြစ်စေရန်လိုအပ်သော (တခုနှင့်တခု) ဆက်စပ်ချက်များ၏ဂုဏ်သတ္ထိများကိုသိနိုင်သော်လည်းအဆိုဆက်စပ်ချက်များသက်သက်အကြားရှိဆက်စပ်မှုဆိုင်ရာသဘာဝများကိုမသိရှိနိုင်ပါ။

 

အချိန်နှင့်ပတ်သက်၍ပြောမည်ဆိုလျှင်လည်းကျနော်တို့၏ကာလတခုသို့မဟုတ်ကုန်ဆုံးသွားသောအချိန်နှင့်ပတ်သက်သောခံစားမှု(ဆိုင်ရာမည်မျှကြာသည်ဟူသောဆုံးဖြတ်ချက်)သည်နာရီတလုံး၏အမှန်တကယ်ကုန်ဆုံးသွားသောအချိန်ကာလအမှန်နှင့်နှိုင်းယှဉ်ဆုံးဖြတ်မည်ဆိုလျှင်ဆိုးဆိုးရွားရွားပင်လွဲမှားသွားနိုင်၏။အချိန်ဟူသည် (ပုဂ္ဂလခံစားချက်အရဆိုလျှင်) ကျနော်တို့ငြီးငွေ့သည်အခါသို့မဟုတ်နာကျင်မှုခံစားရသည့်အခါတွင်ကုန်နိုင်ခဲလွန်းပြီး၊စိတ်လက်ကြည်သာစွာတခုခုလုပ်နေသည့်အခါတွင်မူလျင်မြန်စွာပင်ကုန်ဆုံးသွားကာ၊အိပ်စက်သည့်အခါတွင်ကား၎င်းအချိန်များအမှန်တကယ်ပင်ရှိမနေသကဲ့သို့ပင်ကုန်ဆုံးသွားသည်။ (ဟုထင်ရ၏။) ထို့ကြောင့်အချိန်ဟူသည်ကြာချိန်ဖြင့်ဖွဲ့စည်းဖြစ်တည်လာခဲ့သည်ဆိုပါက၄င်းကြာချိန်အားလည်းဟင်းလင်းပြင်အားပုဂ္ဂလနှင့်ဘုံခွဲရန်လိုသကဲ့သို့ပင်အချိန်ကိုလည်းပုဂ္ဂလနှင့်အများဆိုင်ဘုံအချိန်ဟုခွဲခြားပြောဆိုရန်လိုအပ်မည်ဖြစ်သည်။သို့ရာတွင် (မည်သည့်အချိန်ပင်ဖြစ်စေ) အချိန်တွင်ရှေ့နောက်ဖြစ်စဉ်ဟူသော “မတိုင်မီ” နှင့် “ဖြစ်ပြီး” ဟူသောအခြေအနေဖွဲ့စည်းတည်ရှိပြီးဖြစ်သည့်အတွက်၎င်းရှေ့နောက်အစဉ်နှစ်ခုအားမူဆိုခဲ့သကဲ့သို့ပုဂ္ဂလနှင့်အများဆိုင်ခွဲရန်မလိုတော့ပေ။ဆိုလိုသည်မှာအဖြစ်အပျက်များအတွင်းရှိပုံရသောရှေ့နောက်ဖြစ်စဉ်သည်ကျနော်တို့သိရသလောက်တကယ်အဖြစ်အပျက်အတွင်းရှိသော(ဖြစ်သွားခဲ့သော) ရှေ့နောက်ဖြစ်စဉ်နှင့်အတူတူပင်ဖြစ်သောကြောင့်ဖြစ်သည်။( ဆိုလိုသည်မှာဥပမာအားဖြင့်ကျနော်တို့မဖြေချင်ပဲဖြေရသောစာမေးပွဲတခုအတွင်းနာရီဝက်ကြာသောစာမေးပွဲအားတနာရီဖြေရသကဲ့သို့ခံစားရလျက်ဖြေဆိုရသော်လည်းထိုတနာရီခံစားရသောဖြေနေစဉ်အတွင်းမေးခွန်း၁မှ၁၀အထိအစဉ်လိုက်ဖြေဆိုလိုက်သကဲ့သို့ပင်အစစ်အမှန်အချိန်ဖြစ်သောနာရီအတွင်းတွင်လည်းကျနော်တို့မေးခွန်း၁မှ၁၀အထိအစဉ်လိုက်ဖြေဆိုဖြစ်ခဲ့ခြင်းဖြစ်စဉ်မှာပြင်ပလူမည်သူကြည့်ကြည့်အတူတူပင်ဖြစ်မည်ဖြစ်သောကြောင့်ဖြစ်သည်။) ထိုသို့ (မိမိကကြာသည်ဟုထင်ရသောအချိန်နှင့်အမှန်တကယ်ကုန်ဆုံးသွားခဲ့သောအချိန်တို့အတွင်းဖြစ်ပျက်ခဲ့သော) ရှေ့နောက်ဖြစ်စဉ်နှစ်ခုသည်အတူတူမဟုတ်ဟူ၍မည်သို့မှဆင်ခြင်ပေး၍မရပါ။(ဥပမာမိမိကကြာမြင့်စွာပြေးခဲ့သည်ဟုယူဆသောတာတိုပြေးပြိုင်ပွဲတွင်မိမိ၏ရှေ့လူများကိုတဦးပြီးတဦး (အစဉ်လိုက်) ကျော်တက်အနိုင်ရခဲ့သည့်ဖြစ်စဉ်နှင့်ပြေးလမ်းဘေးတွင်ကြည့်နေသူတဦး၏အမြင်အတွင်းရှိမိမိ၏အစဉ်လိုက်ကျော်တက်ခဲ့ပြီးအနိုင်ရခဲ့သောဖြစ်စဉ်နှစ်ခုသည် [ထိုအပြင်လူ၏စိတ်တွင်းပြိုင်ပွဲ၏ကြာချိန်သည်မိမိကြာမြင့်သည်ဟုထင်သလောက်ကြာမည်မဟုတ်သော်လည်း] မတူညီပါဟုမည်သို့အကြောင်းပြချက်နှင့်မျှပြော၍မရသကဲ့သို့ဖြစ်သည်။ဘာသာပြန်သူ)ထိုကဲ့သို့ရှေ့နောက်အစဉ်၏ပုဂ္ဂလဖြစ်စေ၊အများဆိုင်ဖြစ်စေပြောင်းလဲခြင်းမရှိမှုအားဟင်းလင်းပြင်ဆိုင်ရာစဉ်းစားပုံတွင်လည်းတွေ့ရသည်။လမ်းတလမ်းပေါ်တွင်တပ်သားများချီတက်လာမှုတွင်ချီတက်လာပုံသည်ကြည့်သောရှုထောင့်အပေါ်တွင်မူတည်ပြီးအမျိုးမျိုးကွဲပြားနိုင်သော်လည်းပါဝင်သောတပ်သားများ၏ရှေ့နောက်နေရာချစီစဉ်ထားမှုသည်မည်သည့်ရှုထောင့်မှကြည့်ရှုသည်ဖြစ်စေအတူတူပင်ဖြစ်သည်ကိုတွေ့ရမည်ဖြစ်သည်။ထို့ကြောင့်ပင်လျှင်ကျနော်တို့သည်ရုပ်ဒြပ်ပိုင်းဆိုင်ရာဟင်းလင်းပြင်တွင်လည်းရှေ့နောက်အစီအစဉ်သည်ပြောင်းလဲမှုမရှိပဲမှန်ကန်နေသည်ကိုတွေ့ရမည်ဖြစ်ပြီးထိုဟင်းလင်းပြင်အတွင်းတွေ့ရသောပုံသဏ္ဍန်ဟူသည်မှာလည်းဆိုခဲ့သောရှေ့နောက်အစီအစဉ်အား (မပြောင်းလဲစေရေး) ထိန်သိမ်းထားရန်လိုအပ်သလောက်သာလျှင်လိုက်လျောညီထွေပြောင်းလဲမှုပြုမည်ဟူသောအချက်ကိုလည်းတွေ့ရမည်ဖြစ်သည်။(ဆိုလိုသည်မှာရှုထောင့်အရပုံသဏ္ဍန်မည်မျှပင်ပြောင်းစေ၊ရှေ့နောက်အစဉ်မပြောင်းဟုပြောလိုခြင်းဖြစ်သည်ဘာသာပြန်သူ)

 

ဖြစ်စဉ်များအတွင်းရှိပုံရသောရှေ့နောက်အစဉ်များနှင့်၎င်းးဖြစ်စဉ်များ၏တကယ်ရှိသောရှေ့နောက်ဖြစ်စဉ်များသည်အတူတူပင်ဖြစ်သည်ဟူသောကိစ္စကိုစဉ်းစားရာတွင်ဖြစ်လာနိုင်သောနားလည်မှုလွဲချော်ခြင်းတခုကိုလည်းကြိုကာထားရန်လိုအပ်သည်။အမျိုးမျိုးသောဒြပ်ရှိအရာဝတ္ထုတို့၏အထွေထွေသောဖြစ်ပေါ်ပုံအခြေအနေများ၏အချိန်ပိုင်းဆိုင်ရာရှေ့နောက်အစဉ်သည်အဆိုပါအရာဝတ္ထုများအားမြင်ရခြင်းကိုဖြစ်ပေါ်စေသောအာရုံခံစားမှုအချက်အလက်များ၏ရှေ့နောက်အစဉ်နှင့်အတူတူပင်ဖြစ်သည်ဟုမယူဆရပါ။မိုးခြိမ်းခြင်းနှင့်လျှပ်စီးတို့အားစဉ်းစားကြည့်ပါ၊၄င်းတို့သည်တပြိုင်တည်းလိုပင်ဖြစ်ပေါ်ကြသောဖြစ်စဉ်များဖြစ်သည်။ဆိုလိုသည်မှာလျှပ်စီးသည် (အသံဖြစ်စေသော) လေထုအတွင်းတိုးတိုက်မှုဖြစ်စဉ်နှင့်တပြိုင်တည်းဖြစ်ပေါ်ခြင်းဖြစ်ပြီးထိုလျှပ်စီးပေါ်သောနေရာမှာလည်းအဆိုပါလေထုအတွင်းတိုးတိုက်မှုဖြစ်စဉ်ဖြစ်သောနေရာတွင်ပင်ပေါ်ခြင်းဖြစ်သည်။သို့သော်လည်းမိုးခြိမ်းသံဟုကျနော်တို့ခေါ်ဆိုသောအာရုံခံစားမှုအချက်အလက်များသည်ဆိုခဲ့သောလေထုအတွင်းတိုးတိုက်မှုဖြစ်စဉ်(အသံလှိုင်း)များသည်ကျနော်တို့ရှိနေသောနေရာသို့မရောက်လာမချင်းပေါ်မလာပေ။(အလင်း၏သွားနှုန်းနှင့်အသံ၏အသွားနှုန်းတို့မတူသောကြောင့်လျှပ်စီးအားအရင်မြင်ရပြီးမှမိုးခြိမ်းသံအားကြားရခြင်းကိုပြောလိုခြင်းဖြစ်သည်ဘာသာပြန်သူ) အလားတူပင်နေ၏အလင်းရောင်သည်ကျနော်တို့ထံသို့ရောက်လာရန်၈မိနစ်ကြာသည်ဖြစ်သောကြောင့်ကျနော်တို့နေအားမြင်ရသောအခါတွင်လွန်ခဲ့သော၈မိနစ်မှနေအားမြင်ရခြင်းသာဖြစ်သည်။ကျနော်တို့အာရုံခံစားမှုအချက်အလက်များသည်ရုပ်ဒြပ်အမှန်ရှိသောနေရှိနေကြောင်းကျနော်တို့အားပြရာတွင်လွန်ခဲ့သော၈မိနစ်မှရုပ်ဒြပ်ရှိနေ၏ပြခဲ့သမျှကိုသာလျှင်ပြနိုင်သည်။အကယ်၍အဆိုပါရုပ်ဒြပ်ရှိသောနေသည်လွန်ခဲ့သောရှစ်မိနစ်အတွင်းကပျောက်ပျက်သွားခဲ့သည်ဆိုလျှင်လည်းကျနော်တို့၏ (လောလောဆယ်မြင်နေရသော) နေကိုမြင်နေရသည်ဟူသည့်အာရုံခံစားမှုအချက်အလက်များအား (ချက်ချင်းလက်ငင်း) မည်သို့မျှပြောင်းလဲမှုဖြစ်စေလိမ့်မည်မဟုတ်ပါ။ထိုသို့အခြေအနေသည်အာရုံခံစားမှုအချက်အလက်များနှင့်အမှန်တကယ်ရုပ်ဒြပ်ရှိအရာဝတ္ထုများအကြားကွဲကွဲပြားပြားခွဲခြားသတ်မှတ်ရန်လိုအပ်သည့်အကြောင်းကိုတဖန်ပြန်လည်ပုံဖော်ရေးအတွက်အခွင့်အလမ်းပေးနေ၏။

 

ကျနော်တို့ဟင်းလင်းပြင်ဆိုသောအရာအားအာရုံခံစားမှုအချက်အလက်များ၏၄င်းတို့ဖြစ်ပေါ်စေသောဒြပ်ရှိအရာများနှင့်လိုက်လျောညီထွေဖြစ်တည်မှုအားဖြင့် (၄င်းခံစားမှုနှင့်ရုပ်ဒြပ်တို့၏) ဆက်စပ်ပုံများအားသိရှိသကဲ့သို့ပင်သိရှိလာခဲ့ကြပြီးဖြစ်သည်။( ဟင်းလင်းပြင်အားသူ့ချည်းသက်သက်ရှိမှုကိုမသိနိုင်ပဲ၊အရာတခုနှင့်တခုအကြားမထိစပ်ပဲကွာခြားနေမှုအားဖြင့်ဟင်းလင်းပြင်ရှိကြောင်းသိရပုံအားဖြင့်ဟင်းလင်းပြင်ရှိကြောင်းသိနိုင်သကဲ့သို့သိရှိလာခဲ့ကြပြီးဖြစ်သည်ဟုဆိုလိုသည်။ဘာသာပြန်သူ)အကယ်၍အရာဝတ္ထုတခုသည်ပြာလဲ့လဲ့ဟုထင်ရပြီးအခြားအရာတခုသည်နီးထွေးထွေးဖြစ်သည်ဟုထင်ရသည်ဆိုလျှင်ကျနော်တို့သည်ကျိုးကြောင်းကျစွာပင်အဆိုပါဒြပ်ရှိအရာဝတ္ထုနှစ်ခုအကြား (အရောင်ဆိုင်ရာ)လိုက်လျောညီထွေဖြစ်နေသောကွဲပြားမှုရှိသည်ဟုယူဆနိုင်၏။အကယ်၍အရာဝတ္ထုနှစ်ခုစလုံးသည်ပြာလဲ့လဲ့ရှိသည်ဟုထင်ရလျှင်ကျနော်တို့သည်အလားတူပင်အဆိုပါအရာနှစ်ခုအကြား (အရောင်ဆိုင်ရာ) လိုက်လျောညီထွေဖြစ်နေသောတူညီမှုရှိနေသည်ဟုယူဆနိုင်သည်။သို့ရာတွင်ကျနော်တို့သည်၎င်းအရာဝတ္ထုများအတွင်းရှိအပြာသို့မဟုတ်အနီဖြစ်စေသောအရည်အသွေးအနှစ်သာရအားသိမြင်ခံစားနိုင်ရန်အတွက်ကိုမူမမျှော်လင့်နိုင်ပေ။(အရောင်ဟူသည်မှာအလင်းပြန်မှုနှင့်အလင်းရရှိမှုအပေါ်တွင်မူတည်နေသောကြောင့်အလင်းမရှိလျှင်အရောင်မထွက်ပေါ်နိုင်တော့သည့်အတွက်ထိုအခါတွင်အရာဝတ္ထုတခု၏အရောင်တခုခုဖြစ်စေသောအရည်အသွေးအနှစ်သာရကိုမိမိတို့တကယ်မသိနိုင်ပုံပေါ်လွင်လာခြင်းကိုသဘောပေါက်ခြင်းအားဖြင့်ဘာထရန်ရပ်ဆဲဆိုလိုသည်ဟုစာဖတ်သူများနားလည်နိုင်မည်ဟုယူဆပါသည်။ဘာသာပြန်သူ)သိပ္ပံပညာကဆိုသည်မှာထို(အရောင်ဖြစ်စေသော) အရည်အသွေးအနှစ်သာရသည်လှိုင်းပုံစံအရွေ့တမျိုးဖြစ်သည်ဟုဆို၏။ထိုလှိုင်းအရွေ့ပုံစံဟူသည်မှာကျနော်တို့နှင့်တရင်းတနှီးရှိပြီးဖြစ်သည်ဟုထင်ရ၏။အကြောင်းမှာလှိုင်းပုံစံအရွေ့ဆိုသည်နှင့်ကျနော်တို့၏စိတ်ကူးထဲတွင်ဟင်းလင်းပြင်တွင်ရွေ့သွားသောလှိုင်းများအဖြစ်ပုံဖော်မိသောကြောင့်ဖြစ်သည်။သို့ရာတွင် (အရောင်အဖြစ်မြင်ရစေသည့်အလင်း၏) အဆိုပါလှိုင်းပုံစံအရွေ့များသည်အမှန်တကယ်ဒြပ်ပိုင်းဆိုင်ရာဟင်းလင်းပြင်တွင်ရှိနေရမည်ဖြစ်သော်လည်းကျနော်တို့သည်အဆိုပါအလင်း၏လှိုင်းများရွေ့လျားသွားပုံကို (အလင်းအလျင်အလွန်မြန်သောကြောင့်) တိုက်ရိုက်မသိရပေ။ထို့ကြောင့်အဆိုပါလှိုင်းအရွေ့များကိုကျနော်တို့က (သိပ္ပံပညာကပြောသောကြောင့်) ရှိမည်ဟုယူဆထားသော်လည်းအမှန်တကယ်ကျနော်နှင့်တရင်းတနှီးသိရှိပြီးဖြစ်မနေပေ။ထိုသို့ဖြစ်နေရခြင်းများသည်အရောင်တွင်သာမကအခြားအာရုံခံစားမှုများနှင့်ပတ်သက်၍လည်းထိုသို့ပင်ထူးမခြားနားအခြေအနေရှိသည်ကိုတွေ့ရသည်။(အခြားအာရုံခံစားမှုများဖြစ်သောအကြားအာရုံသည်လည်းလှိုင်းတမျိုး၊အနံ့အာရုံသည်လည်းလေလှိုင်းမှတဆင့်သယ်ဆောင်သောအရည်အသွေးတမျိုး၊အထိအတွေ့တွင်လည်းလှိုင်းဆန်သောအာရုံကြောများ၏သတင်းပို့မှု၊အရသာတွင်လည်းအထိအတွေ့နှင့်အလားတူသောလှိုင်းဆန်သောအာရုံကြောများ၏သတင်းပို့မှု၊နောက်ဆုံးစိတ်ခံစားမှုတွင်လည်းအငြင်းပွားဖွယ်ရာဖြစ်နေစေကာမူစိတ်ခံစားမှုဦးနှောက်လှိုင်းများအဖြစ်ဖွင့်ဆိုမှုများကိုသိရှိပြီးဖြစ်သည်ဆိုလျှင်ဘာထရန်ရပ်ဆဲ၏အဆိုပါအပြောအားစာဖတ်သူများလက်ခံနိုင်လောက်သည်ဟုယူဆပါသည်။ဘာသာပြန်သူ)ထို့ကြောင့်ကျနော်တို့တွေ့ရသည်မှာဒြပ်ရှိအရာဝတ္ထုများ၏ဆက်နွယ်ဆက်စပ်မှုများတွင်အာရုံခံစားမှုအချက်အလက်များ၏ဆက်စပ်ဆက်နွယ်မှုများနှင့်လိုက်လျောညီထွေပြုမှုများမှတဆင့်ပေါ်လာသောသိဖွယ်ရှိသောဂုဏ်သတ္တိများရှိသည်ဟုဆိုသော်လည်းလက်ရင်းဖြစ်သောအဆိုပါဒြပ်ရှိအရာများကိုယ်နှိုက်အတွက်မူသူတို့၏မူလဘူတသဘာဝများနှင့်ပတ်သက်၍အာရုံခံစားမှုများဖြင့်သိရှိနိုင်သလောက်ဖြင့် (ကျနော်တို့အတွက်တကယ်) မသိရသေးပဲဖြစ်နေသေးသည်ဆိုသောအချက်ပင်ဖြစ်သည်။ကျန်ရှိနေသေးသည့်မေးခွန်းမှာဒြပ်ရှိအရာဝတ္ထုများ၏မူလဘူတသဘာဝအားရှာဖွေတွေ့ရှိနိုင်ရေးအတွက် (အာရုံခံစားမှုများမှအပြင်) အခြားမည်သည့်နည်းလမ်းရှိမည်နည်းဟူသောမေးခွန်းပင်ဖြစ်တော့သည်။

 

ကျနော်တို့ဆင်ခြင်သုံးသပ်လာခဲ့ချက်များအရအမြင်အာရုံနှင့်ပတ်သက်၍မည်သည့်အခြေအနေမဆိုကနဦးအခြေအနေတွင်ခံယူရပ်တည်နိုင်သော၊သဘာဝအကျဆုံးဖြစ်သော်လည်း၊အဆုံးစွန်အထိလည်းကာကွယ်နိုင်ခြင်းလည်းမရှိသောယူဆချက်မှာဒြပ်ရှိအရာများသည် (အမြင်)အာရုံခံစားမှုအချက်အလက်များကဖော်ပြနေသကဲ့သို့အတိအကျမဖြစ်နိုင်စေကာမူ၎င်းတို့ကဖော်ပြနေသည်များနှင့်အနည်းနှင့်အများတူညီမှုရှိသည်ဆိုသောယူဆချက်ပင်ဖြစ်ပါမည်။အဆိုပါအမြင်အရဒြပ်ရှိအရာများမှာဥပမာအားဖြင့်အမှန်တကယ်ပင်အရောင်များရှိနေလိမ့်မည်ဖြစ်ပြီးကျနော်တို့အတွက်အကြောင်းတိုက်ဆိုင်သည်ဆိုလျှင်အဆိုပါအရာ၏အမှန်တကယ်ရှိသောအရောင်ကိုလည်းကျနော်တို့မြင်ကောင်းမြင်ရနိုင်ပေမည်။ (ဆက်လက်ယူဆနိုင်သည်မှာ) အရာတခု၏ကျနော်တို့အားရှိပုံရစေသောအရောင်သည်မည်သည့်အခြေအနေအချိန်အခါတွင်မဆိုရှုထောင့်ပေါင်းစုံမှဖော်ပြနေချက်အရအားလုံးတသမတ်တည်းမတူစေကာမူယေဘုယျအားဖြင့်ဆင်တူယိုးမှားရှိသောအရောင်များကိုဖော်ပြနေမည်ဖြစ်သည်။ထို့ကြောင့်ကျနော်တို့ယူဆကောင်းယူဆနိုင်သည်မှာ (အရာဝတ္ထုတခုခု၏) “အစစ်အမှန်” အရောင်ဟူသည်မှာရှုထောင့်ပေါင်းစုံမှပေါ်သောအမြင်များအရဖြစ်ပေါ်နေသောအရောင်အနု၊အရင့်အဆင့်ဆင့်များအနက်မှ (မတောက်လွန်း၊မမှိန်လွန်းသော) ကြားကျသည့်အရောင်တမျိုးဖြစ်မည်ဟူသောအချက်ပင်ဖြစ်သည်။

 

ထိုသို့သဘောတရားထုတ်ယူပုံသည်လုံးဝအတိအကျတော့ငြင်းပယ်ပစ်၍မရနိုင်သောသဘောတရားတခုဖြစ်ချင်ဖြစ်နေနိုင်မည်။သို့သော်၎င်းသဘောတရားမှာအခြေအမြစ်မရှိကြောင်းပြဆိုနိုင်၏။စပြောရလျှင်ကျနော်တို့မြင်သောအရောင်ဟူသည်မှာကျနော်တို့မျက်လုံးအားလာရောက်ရောက်ခတ်သောအလင်းလှိုင်းများ၏သဘာဝကိုသာလျှင်မူတည်နေပြီး၎င်းကဆိုလိုနေသည်မှာကျနော်တို့နှင့်အရာဝတ္ထုတို့အကြားရှိကြားခံနေသောအရာနှင့်တကွအဆိုပါအရာဝတ္ထုမှပြန်လာသောအလင်း၏ကျနော်တို့မျက်လုံးအားရိုက်ခတ်သောဦးတည်ချက်တို့ကသာလျှင်ကျနော်တို့မြင်ရသောအရောင်အားပြုပြင်ဖန်တီးနေသည်ဟူသောအချက်ပင်ဖြစ်သည်။ကြားခံလေဟာနယ်သည်လုံးဝကြည်လင်ပြတ်သားနေခြင်းမရှိလျှင်၊အလင်းပြန်မှုများလျှင်အရောင်အားလုံးဝပြောင်းလဲစေမည်ဖြစ်သည်။ထို့ကြောင့်ကျနော်တို့မြင်ရသောအရောင်သည်ကျနော်တို့မျက်လုံးထံရောက်ရှိလာသောအလင်းတန်းများကြောင့်ဖြစ်ပြီးထိုအလင်းတန်းများလာသောအရာဝတ္ထု၏မူပိုင်ပစ္စည်းမဟုတ်သည်ကိုတွေ့ရမည်ဖြစ်သည်။ထို့ကြောင့်ပင်လျှင်တစုံတရာသောအလင်းလှိုင်းများကျနော်တို့မျက်လုံးထံသို့ရောက်လာသည်ဆိုလျှင်အဆိုပါအလင်းလှိုင်းများစတင်ဖြစ်တည်လာစေသောအရာဝတ္ထုကမည်သည့်အရောင်ပင်ရှိစေ၊ကျနော်တို့ဘက်မှ (မျက်လုံးထံသို့ရောက်လာသောလှိုင်းကပြဆိုသည့်) အရောင်ကိုသာလျှင်မြင်ရခြင်းဖြစ်သည်။ထို့ကြောင့်ဒြပ်ရှိအရာဝတ္ထုများတွင်အရောင်ရှိသည်ဟုယူဆခြင်းမှာအကြောင်းမဲ့မေတ္တာရိဖြစ်နေပြီးထို့ကြောင့်အထက်တွင်ဆိုခဲ့သလိုကြားကျသည့်အရောင်ရှိရမည်ဟူသောယူဆချက်ကိုလည်းမှန်ကြောင်းမည်သို့မျှတရားထူထောင်၍မရနိုင်တော့ပေ။အခြားအာရုံခံစားမှုအချက်အလက်များနှင့်ပတ်သက်၍လည်းထိုသို့ပင်အတိအကျပြောဆိုဆင်ခြင်ယူနိုင်၏။(အထက်တွင်ရှင်းလင်းခဲ့ပြီးသလိုပင်အာရုံခံစားမှုအချက်အလက်(အာရုံငါးပါး)များသည်လှိုင်းသဖွယ်များချည်းဖြစ်သောကြောင့်ဘာထရန်ရပ်ဆဲလ်၏ယခုပြောဆိုချက်အားစာဖတ်သူများလက်ခံနိုင်လောက်သည်ဟုယူဆပါသည်။ဘာသာပြန်သူ)

 

ဒြပ်ရှိအရာဝတ္ထုဟူ၍အမှန်တကယ်ရှိသည်ဆိုလျှင်၎င်း၌ဤသို့ဤပုံသဘာဝတခုရှိကြောင်းပြောဆိုနိုင်စေမည့်ယေဘုယျကျသည့်အတွေးအခေါ်ပညာရပ်ဆိုင်ရာအကျိုးသင့်အကြောင်းသင့်ဆွေးနွေးပြမှုတခုခုရှိမရှိဟူသောမေးခွန်းသည်လည်းဆက်လက်ကျန်ရှိနေပါသေးသည်။အထက်တွင်ရှင်းလင်းပြဆိုခဲ့ပြီးသလိုပင်အများစုဟုဆိုနိုင်မည့်များစွာသောအတွေးအခေါ်ပညာရှင်များကအစစ်အမှန်တည်ရှိသောအရာတိုင်းသည်စိတ်ပိုင်းဆိုင်ရာနားလည်မှုတမျိုးဖြင့်ပုံဖော်နိုင်ရမည်သို့မဟုတ်အနည်းဆုံးအဆိုပါအစစ်အမှန်ရှိသည်ဟုဆိုသောအရာအားကျနော်တို့သိရှိခံစားနိုင်သမျှတို့သည်စိတ်ဖြင့်ခံစားသိရှိနိုင်ရမည်ဟုခံယူထားကြ၏။အဆိုပါအတွေးအခေါ်ပညာရှင်များအားစိတ်အသိအခြေပြုဝါဒီများဟုခေါ်ဆိုကြသည်။စိတ်အသိအခြေပြုဝါဒီများကပြောဆိုကြသည်မှာအရာဝတ္ထုဟူ၍ရှိနေပုံရစေသောအရာသည်စိတ်ဖြင့်ခံစားသိနိုင်သောတစုံတရာဖြစ်ပြီးတိတိပပပြောရမည်ဆိုပါက (အတွေးအခေါ်ပညာရှင်လိုက်ဗနစ်ခံယူသကဲ့သို့) အနည်းနှင့်အများပီပီပြင်ပြင်မဟုတ်သေးသောမည်ကာမတ္တစိတ်အခြေအနေများသို့မဟုတ် (အတွေးအခေါ်ပညာရှင်ဘာကလေ၏ကျေနပ်သဘောတူခဲ့သောအမြင်ဖြစ်သည့်) စိတ်အတွင်းမှစိတ်ကူးအကြံအစည်များက (သမရိုးကျအားဖြင့်ကျနော်တို့ပြောဆိုသင့်သောပုံစံဖြစ်သည့်) သတိမူခံစားသိရှိလိုက်သောအရာများဖြစ်သည်ဟူ၍ဖြစ်ပါသည်။ထို့ကြောင့်စိတ်အသိအခြေပြုဝါဒီများသည်ဒြပ်ရှိအရာဝတ္ထု၏ (အမှန်)တည်ရှိမှုသည်စိတ်အတွင်းမှသိရှိလိုက်သောတည်ရှိမှုနှင့်သတ်သတ်စီရှိနေသည်ဆိုသောအချက်အား(ဒြပ်ရှိအရာဝတ္ထုတခု၏တည်ရှိမှုအားသိရှိခြင်းအားဖြင့်သာလျှင်၎င်း၏တည်ရှိမှုအားအသေချာဆုံးတွက်ဆနိုင်ပြီးရှိနေသော်လည်းစိတ်တွင်းမသိရှိ၊သတိမပြုမိသေးသမျှကာလပတ်လုံးရှိကြောင်းလုံးဝမသေချာနိုင်၊မပြောနိုင်သည့်အတွက်)ငြင်းပယ်ပြီး၎င်းပညာရှင်များကပင်ကျနော်တို့၏အာရုံခံစားမှုအချက်အလက်များသည်ပင်လျှင်ကျနော်တို့၏ပုဂ္ဂလဆန်သောအာရုံခံစားမိမှုများအားမှီခိုတည်ရှိနေခြင်းမရှိသောတစုံတရာ၏ရှိနေခြင်းကိုဖော်ပြနေသောသင်္ကေတများဖြစ်သည်ဆိုသောအချက်ကိုမူမငြင်းဆိုကြပေ။ရှေ့ဆက်မည့်အခန်းတွင်ကျနော်၏အမြင်အရယုတ္တိအမှားအပေါ်တွင်အခြေခံသောဆွေးနွေးပြချက်များဟုယူဆသည့်စိတ်အသိအခြေပြုဝါဒီများကသူတို့အားသဘောတရားအားထောက်ပံ့မှုပေးရန်အတွက်ရှေ့တန်းတင်လာသောဆင်ခြေများကိုအကြမ်းဖျင်းဆွေးနွေးသွားမည်။