အတွေးအခေါ်ပညာ၏ ပြဿနာများ(ဘာသာပြန်) (ဘာထရန်ရပ်ဆဲလ်) အပိုင်း(၅)


အခန်း (၃) ဒြပ်ဝတ္ထု၏သဘာဝ

ပေါ်ပေါ်လွင်လွင်ထင်ထင်ရှားရှားကြီးပြနိုင်မယ့်အကြောင်းပြချက်တွေရှာလို့မရပေမယ့်လည်းကျနော်တို့ရဲ့အာရုံခံစားမှုအချက်အလက်တွေ(ဥပမာ- ကျနော်တို့စားပွဲနဲ့ဆိုင်တယ်လို့သိခဲ့တဲ့အာရုံခံစားမှုအချက်အလက်တွေ)ဟာကျနော်တို့ရဲ့သိမြင်လိုက်ခြင်း၊ဖြစ်တည်ခြင်းတွေနဲ့သီးခြားကင်းကွာဖြစ်တည်နေတဲ့တစုံတရာရဲ့ရှိမှုကိုပြနေတဲ့သင်္ကေတတွေဖြစ်တယ်ဆိုတာကိုယုံကြည်တယ်ဆိုတာဟာယုတ္တိတန်တယ်လို့ရှေ့ပိုင်းအခန်းတွေမှာကျနော်တို့သဘောတူကြပြီးပါပြီ။ပြောချင်တာကတော့ဒီစားပွဲရဲ့ပုံပန်းသဏ္ဍန်အဖြစ်ကျနော့သိစိတ်မှာပေါ်လာစေတဲ့အဲဒီ့အရောင်တွေ၊မာမှုပျော့မှုတွေ၊အသံတွေစသည်ဖြင့်အာရုံခံစားမှုတွေထက်ကျော်လွန်ပြီးအဲဒီ့အာရုံခံစားမှုပုံစံအသွင်သဏ္ဍန်တွေတန်ဆာဆင်ထားတဲ့တစုံတရာရှိနေတယ်လို့ကျနော်ယူဆလိုက်ခြင်းပဲဖြစ်ပါတယ်။ (စားပွဲရဲ့)အရောင်ဆိုတာဟာကျနော်မျက်စိမှိတ်လိုက်မယ်ဆိုရင်မရှိတော့ပါဘူး။ (စားပွဲရဲ့)မာမှု၊ပျော့မှုခံစားမှုဟာကျနော့လက်မောင်းကိုစားပွဲနဲ့ထိမနေတော့ရင်မရှိတော့ပါဘူး။ (စားပွဲကပေးတဲ့) အသံဆိုတာဟာလဲကျနော့လက်ခေါက်နဲ့စားပွဲကိုခေါက်မနေဘူးဆိုရင်မမြည်တော့ပါဘူး။ဒါပေမယ့်ဒီခံစားမှုတွေပျောက်သွားတာနဲ့တပြိုင်နက်စားပွဲမရှိတော့ဘူးလို့ကျနော်မထင်ပါဘူး။အဲ့ဒါနဲ့ဆန့်ကျင်ဘက်ပဲကျနော်အခုလိုယူဆလိုက်တာဟာစားပွဲဟာတောက်လျှောက်ရှိနေခဲ့တဲ့အတွက်ပြောခဲ့တဲ့အာရုံခံစားမှုအချက်အလက်တွေဟာကျနော်မျက်လုံးဖွင့်လိုက်ရင်၊ကျနော့လက်မောင်းကိုစားပွဲပေါ်ပြန်တင်လိုက်ရင်၊ကျနော့လက်ခေါက်နဲ့စားပွဲကိုပြန်ခေါက်နေမယ်ဆိုရင်ပြန်ပေါ်လာမယ်ဆိုတဲ့အကြောင်းကြောင့်ပဲဖြစ်ပြန်ပါတယ်။ (ဘာသာပြန်သူ။            ။ဆိုလိုသည်မှာခံစားမှုအချက်အလက်များမရှိတော့သော်လည်းစားပွဲပျောက်မသွားဟုယူဆခြင်းတွင်စားပွဲ၏တည်ရှိမှုအားစဉ်းစားရာ၌ခံစားမှုအချက်အလက်များအပေါ်အခြေမခံသယောင်ရှိသော်လည်းနောက်တကြောင်းစဉ်းစားပုံတွင်အာရုံခံစားမှုအချက်အလက်များသည်ပြန်တည်လှုံ့ဆော်လျှင်ပြန်ပေါ်လာမည်ဆိုသည်ကိုအခြေခံပြီးစားပွဲ၏တည်ရှိမှုကိုအတည်ပြုထားသလိုဖြစ်နေသေးသောကြောင့်စဉ်းစားပုံနှစ်ခုဝိရောဓိဖြစ်နေခြင်းကိုရပ်ဆဲလ်ကပြလိုခြင်းဖြစ်သည်။) ကျနော်တို့ဒီအခန်းမှာစဉ်းစားရမယ့်မေးခွန်းကတော့ဒီလိုပါ။ကျနော့ရဲ့သိမြင်လိုက်ခြင်းအပေါ်မှာမှီခိုမနေပဲရှိနေတဲ့တကယ့်စားပွဲရဲ့သဘာဝကဘာလဲဆိုတဲ့မေးခွန်းပဲဖြစ်ပါတယ်။

 

ဒီမေးခွန်းအတွက်ရုပ်ဝတ္ထုပိုင်းဆိုင်ရာသိပ္ပံပညာကအဖြေတခုပေးပါတယ်။ဒီအဖြေရဲ့မှန်ကန်ပုံဟာတနည်းနည်းနဲ့မပြည့်မစုံဖြစ်နေပြီးတစိတ်တပိုင်းအားဖြင့်အရမ်းစိတ်ကူးသက်သက်ကိုအခြေခံထားသလိုဖြစ်နေပါသေးပေမယ့်လည်းအဖြေပေးပုံရဲ့နက်ရှိုင်းမှုအတိုင်းအတာကိုတော့အသိအမှတ်ပြုစရာကောင်းနေပါတယ်။ရုပ်ဝတ္ထုပိုင်းဆိုင်ရာသိပ္ပံပညာဟာအနည်းနဲ့အများမသိမသာပုံစံမျိုးနဲ့အားလုံးသောအရှုခံရတဲ့သဘာဝအလျောက်ဖြစ်ပျက်ပုံတွေဟာအရွေ့တွေအဖြစ်နဲ့သာလျှင်လျော့ချတွက်ချက်သင့်တယ်ဆိုတဲ့အမြင်ဘက်ကိုအလေးပေးသွားနေပါတယ်။အလင်း၊အပူနဲ့အသံတွေအားလုံးဟာ (ရုပ်ဝတ္ထုပိုင်းဆိုင်ရာသိပ္ပံပညာအရ) ထုတ်လွှတ်လိုက်တဲ့အရာဝတ္ထုကနေအဆိုပါအလင်းကိုမြင်လိုက်တဲ့၊အဆိုပါအပူကိုခံစားလိုက်တဲ့၊အဆိုပါအသံကိုကြားလိုက်တဲ့သူဆီကိုလှိုင်းပုံစံရွေ့လျားမှုမှုတွေကြောင့်ဖြစ်တယ်လို့ဆိုပါတယ်။အဲဒီ့လှိုင်းပုံစံရွေ့လျားမှုတွေရှိနေတဲ့အရာဟာအီသာ (အလင်း၊အသံစသည်တို့ဖြတ်သန်းသွားလာရန်အတွက်ဟင်လင်းပြင်တွင်ပျံ့နှံ့နေသည်ဟုယူဆထားခဲ့သောအရာ-ဘာသာပြန်သူ) ဒါမှမဟုတ်ရုပ်ဝတ္ထုအဝဝသာလျှင်ဖြစ်မယ်လို့ရုပ်ဝတ္ထုသိပ္ပံပညာကဆိုပါတယ်။ဒါပေမယ့်ဒီယူဆပုံနှစ်မျိုးစလုံးမှာတွေ့ရတဲ့အရာနှစ်ခုစလုံးကိုအတွေးအခေါ်ပညာရှင်တွေကရုပ်ဝတ္ထုလို့သာလျှင်ခေါ်ပါလိမ့်မယ်။ (ရုပ်ဝတ္ထုပိုင်းဆိုင်ရာ) သိပ္ပံပညာကအဲဒီ့ရုပ်ဝတ္ထုဆိုတဲ့အရာအပေါ်မှာသတ်မှတ်မယ့်ဂုဏ်သတ္တိတွေမှာဆိုရင်ဒါတွေရဲ့ဟင်းလင်းပြင်မှာနေရာယူမှုနဲ့အရွေ့နိယာမတွေအရဒါတွေရဲ့အရွေ့အင်အားတို့ကိုပဲသတ်မှတ်ပါလိမ့်မယ်။သိပ္ပံပညာဟာအဲဒီ့ရုပ်ဝတ္ထုမှာတခြားဂုဏ်သတ္တိတွေရှိကောင်းရှိနေမယ်ဆိုတာကိုမငြင်းပါဘူး။ဒါပေမယ့်အဲ့သလိုသာဆိုရင်ပြောခဲ့တဲ့တခြားဂုဏ်သတ္တိတွေဟာသိပ္ပံအသုံးချလူတယောက်အတွက်အသုံးမဝင်တော့ပဲပြောခဲ့တဲ့ရုပ်ဝတ္ထုရဲ့အမှီအခိုကင်းတည်ရှိမှုဖြစ်စဉ်အပေါ်ရှင်းလင်းပြဖို့အသုံးမဝင်တော့ပြန်ပါဘူး။ (ဘာသာပြန်သူ။။သိပ္ပံပညာမှပြဆိုသောဂုဏ်သတ္တိတို့တွင်အာရုံခံစားမှုနှင့်ဆိုင်သောအချက်အလက်များက၄င်း၏တည်ရှိမှုအတွက်အဓိကကျသောဂုဏ်သတ္တိများအဖြစ်မသတ်မှတ်သောကြောင့်(ဟင်လင်းပြင်တွင်နေရာယူမှုနှင့်အရွေ့အင်အားကိုသာအလေးပေးသည်) ၄င်းအချက်အလက်များကိုသာမန်လူကရုပ်ဝတ္ထု၏အမှီအခိုကင်းတည်ရှိမှုအတွက်သိပ္ပံနည်းကျအားကိုးအားထားပြုရန်ခက်သွားသည်ကိုရပ်ဆဲလ်ကပြလိုခြင်းဖြစ်သည်။)

 

သိပ္ပံပညာကအလင်းသည်တခါတရံတွင်လှိုင်းအရွေ့ပုံစံတမျိုးပင်ဖြစ်သည်ဟုဆိုသည်။သို့သော်လည်းကျနော်တို့၏အာရုံခံစားမှုများအရချက်ချင်းလက်ငင်းမြင်လိုက်ရသည့်အလင်းဆိုသည်မှာလှိုင်းအရွေ့ပုံစံမျိုးလုံးဝမဟုတ်ပဲတခြားပုံစံတမျိုးဖြစ်နေသောကြောင့်အဆိုပါသိပ္ပံပညာ၏အဆိုမှာအထင်အမြင်မှားစရာဖြစ်နေပါသည်။ကျနော်တို့အာရုံခံစားမှုများအရသိမြင်လိုက်ရသည့်အလင်း၏ပုံစံမျိုးမှာကျနော်တို့ပုံပန်းသဏ္ဍန်မဖေါ်နိုင်ပဲမျက်စိမမြင်သူအားလည်းရှင်းမပြနိုင်သည့်မျက်စိမြင်သူတိုင်းသိနိုင်သည့်အရာတခုဖြစ်သည်။ပြောခဲ့သည်နှင့်ဆန့်ကျင်ဘက်ပင်ထိုလှိုင်းအရွေ့ပုံစံဆိုသည်မှာမူမျက်စိမမြင်သောသူအားကောင်းမွန်စွာရှင်းပြနိုင်မည်ဖြစ်ပြီးအကြောင်းမှာမျက်မမြင်သည်မျက်စိမမြင်သော်လည်းအထိအတွေ့အားဖြင့်ဟင်းလင်းပြင်ဆိုသည်ကိုသဘောပေါက်နိုင်သလိုပင်လယ်လှိုင်းများ၏လှိုင်းအရွေ့ပုံစံမျိုးကိုကျနော်တို့မျက်စိမြင်သူများခံစားနိုင်သကဲ့သို့ပင်သူလည်းခံစားနိုင်မည်ဖြစ်သောကြောင့်ဖြစ်သည်။သို့ရာတွင်အဆိုပါမျက်မမြင်၏သဘောပေါက်ပုံသည်ကျနော်တို့မျက်စိမြင်သူများ၏အလင်းအားသိမြင်ပုံနှင့်တူမည်မဟုတ်ပဲကျနော်တို့၏အလင်းအားသိမြင်ပုံကိုတော့အဆိုပါမျက်မမြင်ကမည်သို့မျှနားလည်နိုင်မည်မဟုတ်ပဲကျနော်တို့ကလည်းမည်သို့မျှရှင်းပြနိုင်မည်မဟုတ်ပေ။

 

ယခုဆိုလျှင်သိပ္ပံပညာ၏အဆိုအရမျက်မမြင်မဟုတ်သောလူအားလုံးသိနိုင်သည့်အဆိုပါအလင်းကပေးသည့်အာရုံခံစားမှုအချက်အလက်တစုံတရာဆိုသည်မှာပြင်ပကမ္ဘာတွင်တွေ့ရခြင်းမဟုတ်ပဲအလင်းမြင်သူလူတယောက်၏မျက်လုံးများ၊၄င်း၏အာရုံကြောများနှင့်ဦးနှောက်တို့သို့လာရောက်ရိုက်ခတ်သောလှိုင်းများကြောင့်ဖြစ်သည်ဟုဆို၏။အဆိုပါအလင်းသည်လှိုင်းဟုဆိုရာတွင်ဆိုလိုသည်မှာအဆိုပါလှိုင်းများသည်ကျနော်တို့၏အလင်းအားအာရုံခံစားလိုက်သည့်အတွက်ကြောင့်ပေါ်လာရသောလှိုင်းများကိုဆိုလိုခြင်းဖြစ်သည်။သို့ရာတွင်အဆိုပါမျက်စိမြင်သူများမြင်နိုင်ပြီးမျက်မမြင်များမမြင်နိုင်သောအလင်းကိုယ်တိုင်သည်ကျနော်တို့၏အာရုံခံစားမှုများ၊တည်ရှိမှုများနှင့်ကင်းကွာပြီးဖြစ်တည်စကောင်းသည့်အရာဖြစ်သည်ဟုသိပ္ပံပညာကမယူဆပါ။(ဆိုခဲ့သလိုအလင်းသည်မြင်သူ၏အာရုံခံစားမှုကြောင့်သာလျှင်ဖြစ်လာရသည့်လှိုင်းဟုဆိုသောကြောင့်) ထို့အတူပင်အခြားသောအာရုံခံစားမှုများအတွက်လည်းထိုကဲ့သို့ပင်မှတ်ချက်ယူဆနိုင်လောက်ပါသည်။ (ဘာသာပြန်သူ။။ဆိုလိုသည်မှာဥပမာအားဖြင့်အနံ့ဟူသည်လည်းအမှီအခိုကင်းကင်းတည်ရှိနေသောအရာဝတ္ထု၏မူရင်းဂုဏ်သတ္ထိမဟုတ်ပဲအာရုံခံစားလိုက်မှုကြောင့်ဖြစ်လာသည့်အာရုံခံစားလိုက်မှုကိုတည်မှီနေသောအရာသာလျှင်ဖြစ်စကောင်းသည်ဟူသောယူဆချက်မျိုးဖြစ်သည်။)

 

သိပ္ပံပညာကအလေးပေးသောအရာဝတ္ထုများနှင့်ပတ်သက်သည့်လောကတွင်အရောင်များနှင့်အသံများသာလျှင်ရှိမနေခြင်း(အလေးပေးထည့်တွက်ခံရခြင်း) ရှိမနေခြင်းမဟုတ်ပဲကျနော်တို့၏အမြင်သို့မဟုတ်အထိအတွေ့အားဖြင့်သိသည်ဟုယူဆထားသောဟင်းလင်းပြင်ဟူသောခံစားမှုကိုလည်းသိပ္ပံပညာကအလေးပေးထည့်တွက်ခြင်းမပြုပေ။သိပ္ပံပညာအတွက်အရာဝတ္ထုဟူသည်ဟင်းလင်းပြင်တခုတွင်ရှိနေသည်ဟုယူဆရန်မရှိမဖြစ်လိုအပ်သော်လည်းအဆိုပါဟင်းလင်းပြင်သည်ကျနော်တို့တွေ့မြင်ခံစားမိသည့်ဟင်းလင်းပြင်နှင့်တထပ်တည်းမကျနိုင်ပေ။ပြောရလျှင်ကျနော်တို့မျက်လုံးဖြင့်တွေ့မြင်ရသည့်ဟင်းလင်းပြင်နှင့်ကျနော်တို့အထိအတွေ့ခံစားမှုဖြင့်သိရသောဟင်းလင်းပြင်တို့သည်အတူတူမဟုတ်ချေ။ဆိုလိုသည်မှာကျနော်တို့ပြောသောဟင်းလင်းပြင်ဟူသည်မှာကျနော်တို့မွေးကာစအရွယ်ကကျနော်တို့မြင်သောအရာကိုမည်သို့ထိတွေ့နိုင်သည်ဟူသည့်အတွေ့အကြုံအားသင်ယူမှုနှင့်ကျနော်တို့အားထိတွေ့ခြင်းအားဖြင့်အရာများ၏ပုံသဏ္ဍန်ဖေါ်ခြင်းအားဖြင့်မြင်နိုင်ကြောင်းသင်ယူမှုတို့ဖြင့်သာလျှင်သိရသောဟင်းလင်းပြင်ဖြစ်ပြီးသိပ္ပံပညာကပြောသောဟင်းလင်းပြင်မှာမူကျနော်တို့၏မြင်ခြင်း၊ထိတွေ့ခြင်းများအပေါ်တွင်မှီခိုမှုမရှိသောသီးခြားဖြစ်တည်နေသည့်ဟင်းလင်းပြင်ကိုဆိုလိုခြင်းဖြစ်သောကြောင့်ထိုဟင်းလင်းပြင်မှာအထိအတွေ့အရသိသောဟင်းလင်းပြင်မဟုတ်သလို၊အမြင်အရသိသောဟင်းလင်းပြင်မဟုတ်ကြောင်းပြောလိုခြင်းဖြစ်သည်။

 

ရှေ့ပိုင်းအခန်းများတွင်ပြောခဲ့သည်ကိုထပ်ကျော့ရလျှင်ကွဲပြားသောလူအများသည်တူညီသောအရာဝတ္ထုတခုတည်းကိုပင်သူတို့၏မတူညီသောရှုထောင့်များကြောင့်မတူညီသောပုံသဏ္ဍန်အမျိုးမျိုးအဖြစ်မြင်နေရမည်ဖြစ်သည်။ဥပမာအားဖြင့်စက်ဝိုင်းပုံရှိသောအကြွေစိတခုအားအမြဲတမ်းပင်စက်ဝိုင်းပုံဖြစ်မည်ဟုသာသတ်မှတ်သင့်သော်လည်းကျနော်တို့အပေါ်စီးတည့်တည့်မှမကြည့်ဘူးဆိုလျှင်အဆိုပါအကြွေစိသည်ဘဲဥပုံဖြစ်နေသယောင်မြင်ရမည်ဖြစ်သည်။ကျနော်တို့အဆိုပါအကြွေစိသည်စက်ဝိုင်းပုံဖြစ်ကြောင်းအဆုံးအဖြတ်ပြုကြရာတွင်ကျနော်တို့သည်ထင်မြင်ရသောပုံစံ(ဘဲဥပုံ)မဟုတ်သည့်အမှန်တကယ်အကြွေစိ၏ပုံသဏ္ဍန်ကိုဆုံးဖြတ်ခြင်းဖြစ်သော်လည်းအဆိုပါ(ဘဲဥ)ပုံသဏ္ဍန်သည်အသွင်အားဖြင့်မူလစက်ဝိုင်းပုံမဟုတ်စေကာမူမူလဘူတအားဖြင့်စက်ဝိုင်းပုံအကြွေစိအားအခြေခံပြီးပုံပေါ်နေခြင်းဖြစ်သည်ကိုကျနော်တို့လက်ခံထားရသည်ကိုတွေ့ရမည်ဖြစ်သည်။သို့ရာတွင်သိပ္ပံပညာအရထိုအစစ်အမှန်ပုံသဏ္ဍန်ဟူသည်အခြားမည်သူမျှ၏ထင်မြင်ရသောဟင်းလင်ပြင်နှင့်မတူသောအစစ်အမှန်ဟင်းလင်းပြင်တခုတွင်နေရာယူထားရမည်ဖြစ်သည်။အစစ်အမှန်ဟင်းလင်းပြင်ဟူသည်မှာအများဆိုင်ဖြစ်ပြီးထင်မြင်ရသောဟင်းလင်းပြင်ဆိုသည်မှာထင်မြင်သူနှင့်သာသက်ဆိုင်သောပုဂ္ဂလိကဆိုင်အရာဖြစ်သည်။ကွဲပြားသောလူအများ၏ပုဂ္ဂလိကဆိုင်ဟင်းလင်းပြင်များတွင်တူညီသောအရာတခုတည်းသည်ပုံသဏ္ဍန်အမျိုးမျိုးဖြစ်နေပုံရသည်ဆိုလျှင်အစစ်အမှန်ပုံသဏ္ဍန်ရှိသောအစစ်အမှန်ဟင်းလင်းပြင်သည်ပုဂ္ဂလိကဆိုင်ဟင်းလင်းပြင်များနှင့်ကွဲကိုကွဲပြားရမည်ဖြစ်သည်။ထို့ကြောင့်သိပ္ပံပညာကပြောသောဟင်းလင်းပြင်ဆိုသည်မှာကျနော်တို့တွေ့မြင်၊ခံစားမိသော (ပုဂ္ဂလိကဆိုင်) ဟင်းလင်းပြင်များနှင့်ဆက်စပ်မှုရှိသော်လည်းထပ်တူမဟုတ်သည်ကိုတွေ့ရပြီးအဆိုပါပုဂ္ဂလိကဆိုင်ဟင်းလင်းပြင်များနှင့်အစစ်အမှန်ဟင်းလင်းပြင်တို့ဆက်စပ်ပုံကိုစူးစမ်းလေ့လာရန်လိုအပ်မည်ဖြစ်သည်။

 

ဆိုခဲ့သည့်အချက်များအရဒြပ်ရှိအရာဝတ္ထုတို့သည်ကျနော်တို့၏အာရုံခံစားမှုအချက်အလက်များကပေးသောပုံစံအတိုင်းမဟုတ်နိုင်ဆိုသော်လည်းအဆိုပါဒြပ်ရှိအရာဝတ္ထုတို့က၄င်းအာရုံခံစားမှုအချက်အလက်တို့ကိုဖြစ်ပေါ်စေကောင်းဖြစ်ပေါ်စေနိုင်မည်ဆိုသည်ကိုကျနော်တို့သဘောတူညီကြပြီးဖြစ်သည်။အဆိုပါဒြပ်ရှိအရာဝတ္ထုများသည်ကျနော်တို့ဒြပ်ပိုင်းဆိုင်ရာဟင်းလင်းပြင်ဟုခေါ်နိုင်လောက်သောသိပ္ပံပညာအရဆိုသည့်ဟင်းလင်းပြင်တွင်ရှိနေကြ၏။အရေးတကြီးသိမှတ်ထားရမည်မှာကျနော်တို့၏အာရုံခံစားမှုအချက်အလက်များသည်ဒြပ်ရှိအရာဝတ္ထုများကြောင့်ဆိုလျှင်၎င်းအရာဝတ္ထုများရှိနေသည့်ဒြပ်ပိုင်းဆိုင်ရာဟင်းလင်းပြင်တခု၊ကျနော်တို့၏အာရုံခံစားမှုဆိုင်ရာအင်္ဂါများ၊အာရုံကြောများနှင့်ဦးနှောက်ဟူ၍ရှိကိုရှိနေရမည်ဖြစ်သည်။ကျနော်တို့သည်အရာဝတ္ထုတခုအားထိုတွေ့လိုက်သည့်အခါတွင်ထိုအရာမှထိတွေ့မှုနှင့်ဆိုင်သည့်အာရုံခံစားမှုအချက်အလက်တခုရမည်ဖြစ်သည်။ပြောလိုသည်မှာကျနော်တို့၏ခန္ဓာကိုယ်၏အချို့သောတစိတ်တပိုင်းသည်၎င်းအရာဝတ္ထုနေရာယူထားသည့်ဟင်းလင်းပြင်နှင့်ကပ်လျက်ရှိသောဟင်းလင်းပြင်တွင်နေရာယူထားသည်ဆိုလျှင်ကျနော်တို့သည်အရာဝတ္ထုတခုအားထိုတွေ့လိုက်သည့်အခါတွင်ထိုအရာမှထိတွေ့မှုနှင့်ဆိုင်သည့်အာရုံခံစားမှုအချက်အလက်တခုရမည်ဖြစ်သည်။အကြမ်းပြောရလျှင်အဆိုပါဒြပ်ပိုင်းဆိုင်ရာဟင်းလင်းပြင်အတွင်းရှိအဆိုပါအရာဝတ္ထုနှင့်ကျနော်တို့၏မျက်လုံးများအကြားတွင်အလင်းပိတ်စေသောအရာတခုခြားမနေလျှင်အဆိုပါအရာဝတ္ထုအားကျနော်တို့မြင်ရသည်။အလားတူပင်အရာဝတ္ထုတခုသည်ကျနော်တို့နှင့်လုံလောက်စွာနီးကပ်ရလျှင်၊သို့မဟုတ်၎င်းအရာကလျှာအားလာရောက်ထိတွေ့လျှင်သို့မဟုတ်ထိုအရာသည်ဒြပ်ပိုင်းဆိုင်ရာဟင်းလင်းပြင်တွင်ကျနော်တို့၏ခန္ဓာကိုယ်တည်နေရာနှင့်နှိုင်းရအားဖြင့်သင့်လျော်သောနေရာတခုတွင်တည်ရှိနေသည်ဆိုမှသာလျှင်ကျနော်တို့သည်ထိုအရာဝတ္ထုအားကြားနိုင်၊အနံ့ခံနိုင်၊အရသာခံနိုင်မည်ဖြစ်သည်။ကျနော်တို့၏ခန္ဓာကိုယ်နှင့်အဆိုပါအရာဝတ္ထုတို့သည်တခုတည်းသောဒြပ်ပိုင်းဆိုင်ရာဟင်းလင်းပြင်တွင်တည်ရှိနေကြောင်းမယူဆလျှင်ကျနော်တို့သည်အမျိုးမျိုးသောအခြေအနေအောက်တွင်ရှိသောအဆိုပါအရာဝတ္ထုတခုမှကျနော်တို့ကမည်သည့်အမျိုးမျိုသောအာရုံခံစားမှုအချက်အလက်များရလိမ့်မည်ဖြစ်ကြောင်းစတင်ပြောဆိုနိုင်လိမ့်မည်မဟုတ်ပေ။အကြောင်းမှာအဆိုပါအရာဝတ္ထုနှင့်ကျနော်တို့၏ခန္ဓာကိုယ်တို့၏ဆီလျော်သောနေရာများတွင်တည်ရှိမှုအားအဓိကအခြေခံ၍သာလျှင်ထိုအရာဝတ္ထုမှကျနော်တို့မည့်သည့်အာရုံခံစားမှုအချက်အလက်များရမည်ကိုဆုံးဖြတ်နိုင်သောကြောင့်ဖြစ်သည်။

 

ယခုပြောနိုင်သည်မှာအမြင်အာရုံခံစားမှုများရှိသောဟင်းလင်းပြင်ဖြစ်စေ၊အထိအတွေ့အာရုံများရှိသောဟင်းလင်းပြင်ဖြစ်စေ၊သို့မဟုတ်အခြားအာရုံခံစားမှုများကပေးသောအချက်အလက်များရှိသောဟင်းလင်းပြင်ဖြစ်စေအဆိုကျနော်တို့၏ပုဂ္ဂလိကဆိုင်ဟင်းလင်းပြင်များတွင်ကျနော်တို့၏အာရုံခံစားမှုအချက်အလက်များရှိသည်ဆိုသောအချက်ပင်ဖြစ်သည်။အကယ်၍သိပ္ပံပညာနှင့်သာမန်သိတို့ကယူဆသလိုပင်ဒြပ်ရှိအရာဝတ္ထုများရှိနေသောတခုတည်းသောအများနှင့်ဆိုင်သည့်အားလုံးအကျုံးဝင်သောဟင်းလင်းပြင်တခုရှိသည်ဆိုလျှင်ဒြပ်ပိုင်းဆိုင်ရာဟင်းလင်းပြင်တွင်အသီးသီးရှိနေကြသောဒြပ်ရှိအရာဝတ္ထုများ၏နှိုင်းရနေရာယူပုံအမျိုးမျိုးသည်ကျနော်တို့၏ပုဂ္ဂလိကဆိုင်ဟင်းလင်းပြင်တွင်ရှိသောအာရုံခံစားမှုအချက်အလက်များ၏နှိုင်းရနေရယူပုံအမျိုးမျိုးအပေါ်မူတည်ပြီးအနည်းနှင့်အများကိုက်ညီနေရမည်ဖြစ်သည်။ထိုသို့အခြေအနေမျိုးအားစဉ်းစားကြည့်ရန်မခက်ခဲပါ။အကယ်၍ကျနော်တို့မြင်ရသောလမ်းတလမ်းပေါ်ရှိအိမ်တအိမ်သည်အခြားတအိမ်ထက်ကျနော်တို့နှင့်ပိုနီးသည်ကိုမြင်ရပါကကျနော်တို့၏အခြားအာရုံခံစားမှုများသည်ထိုပိုနီးသည်ဆိုသောအမြင်ကိုလက်ခံမည်ဖြစ်သည်။ဥပမာဆိုရလျှင်ကျနော်တို့ထိုလမ်းအတိုင်းလျှောက်ပါကထိုအိမ်အားအရင်ရောက်မည်ဆိုသည်ကိုကျနော်တို့၏အခြားအာရုံခံစားမှုများကလက်ခံမည်ဖြစ်သည်။အခြားလူများကလည်းကျနော်တို့နှင့်နီးပုံရသည့်အိမ်အားနီးသည်ဟုပင်သဘောတူမည်ဖြစ်သည်။မြေပုံအရလည်းထိုသို့ပင်ယူဆမည်ဖြစ်သည်။ထိုသို့သဘောတူပုံများအားလုံးကဖော်ပြနေသည်မှာထိုလမ်းအတွင်းအိမ်များ၏အကွာအဝေးဆိုင်ရာဆက်စပ်မှုများသည်ကျနော်တို့အိမ်များအားတလုံးစီကြည့်သောအခါတွင်ရသောအာရုံခံစားမှုများ၏ဆက်စပ်ပုံနှင့်ထပ်တူပင်ဖြစ်သည်ဆိုသောအချက်ပင်ဖြစ်သည်။ ( ဘာသာပြန်သူ။  ။ဆိုလိုသည်မှာကြည့်သူထည့်မတွက်သောရှိနေသောအိမ်များ၏အချင်းချင်းအကွာအဝေး၏ဆက်စပ်ပုံသည်ကြည့်သူပါလာသောအခါတွင်ကြည့်သူ၏အာရုံခံစားမှုများမှဆုံးဖြတ်သောအာရုံခံစားမှုဆိုင်ရာအကွာအဝေးဆုံးဖြတ်ချက်များနှင့်အတူတူပင်ဖြစ်သည်ကိုပြောလိုခြင်းဖြစ်သည်။ဆိုလိုသည်မှာကြည့်သူမရှိသောအခြေအနေတွင်ပိုနီးသောအိမ်နှစ်အိမ်သည်ကြည့်သူပါဝင်လာလျှင်လည်းကြည့်သူ၏အာရုံအတွင်းပိုနီးသောအိမ်နှစ်အိမ်အဖြစ်သာပုံပေါ်မည်ဟူ၍အများဆိုင်နှင့်ပုဂ္ဂလိကဆိုင်တို့၏ဂုဏ်သတ္တိများတူသွားပုံကိုရပ်ဆဲလ်ကပြလိုခြင်းဖြစ်သည်။) ထို့ကြောင့်ကျနော်တို့သည်ဒြပ်ရှိအရာများအကြားအကွာအဝေးဆိုင်ရာဆက်စပ်မှုများရှိနေခြင်းနှင့်ကိုက်ညီနေသောကျနော်တို့၏အလားတူဖြစ်သည့်ပုဂ္ဂလိကဆိုင်ရာဟင်းလင်းပြင်များတွင်ရှိသောအာရုံခံစားမှုအချက်အလက်များရှိနေသည့်ဒြပ်ပိုင်းဆိုင်ရာဟင်းလင်းပြင်တခုရှိကြောင်းယူဆကောင်းယူဆနိုင်မည်ဖြစ်သည်။၎င်းဒြပ်ပိုင်းဆိုင်ရာဟင်းလင်းပြင်မှာအရာဝတ္တုများ၏အကွာအဝေးဆိုင်ရာဆက်စပ်ပုံလေ့လာသည့်ပညာ(ဂျော်မတြီ)နှင့်ဆိုင်သောဟင်းလင်းပြင်ပင်ဖြစ်ပြီးရူပဗေဒနှင့်နက္ခတ္တဗေဒဆိုင်ရာပညာများကရှိသည်ဟုယူဆသည့်ဟင်းလင်းပြင်ပင်ဖြစ်သည်။

Advertisements

Leaving a comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s