အတွေးအခေါ်ပညာ၏ ပြဿနာများ(ဘာသာပြန်) (ဘာထရန်ရပ်ဆဲလ်) အပိုင်း(၄)


အတွေးအခေါ်ပညာ၏ ပြဿနာများ(ဘာသာပြန်)

(ဘာထရန်ရပ်ဆဲလ်)

ကျနော်တို့ထည့်စဉ်းစားရမယ့်ပြသနာကတော့ဒီလိုပါ။ကျနော်တို့ဟာကိုယ်ကိုယ်တိုင်ရဲ့အာရုံ(ငါးပါး)ခံစားမှုအရသိရတဲ့အချက်အလက်တွေကိုသေချာတယ်လို့ပြောနိုင်တယ်ဆိုရင်ဒီအချက်အလက်တွေဟာကျနော်တို့ကဒြပ်ရှိအရာဝတ္ထုလို့ခေါ်နိုင်မယ့်တစုံတခုသောအရာရဲ့တည်ရှိမှုကိုပြနေတဲ့သင်္ကေတတွေဖြစ်တယ်လို့ယူဆလို့ရစေမယ့်အကြောင်းပြချက်မျိုးကျနော်တို့မှာရှိမရှိဆိုတဲ့ပြသနာပါ။ကျနော်တို့ဟာဒီစားပွဲကြောင့်ဖြစ်တယ်လို့ယူဆရမယ့်အာရုံခံစားမှုအချက်အလက်တွေအားလုံးကိုတခုချင်းထည့်တွက်ကြည့်တဲ့အခါမှာဒါတွေအကုန်လုံးဟာစားပွဲနဲ့ပတ်သတ်ပြီးရှိကြောင်းပြနေတဲ့အရာတွေအကုန်ပဲလား … ဒါမှမဟုတ်အာရုံခံစားမှုအချက်အလက်တခုမဟုတ်တဲ့တစုံတရာ၊ကျနော်တို့အခန်းထဲကထွက်သွားရင်(ကြည့်မနေတော့ရင်)တောင်ရှိနေမယ့်တစုံတရာဆိုတာမျိုးကောရှိနိုင်သေးလားဆိုတဲ့ပြသနာလည်းဖြစ်ပါတယ်။သာမန်လူပြိန်းသိအရကတော့စားပွဲဆိုတာကြည့်မနေလည်းရှိတယ်ဆိုတာတုံ့ဆိုင်းနေစရာမလိုအောင်ထင်ရှားပါတယ်။ကျနော်တို့ဝယ်လို့ရတဲ့၊ရောင်းလို့ရတဲ့၊တွန်းပစ်လို့ရတဲ့၊အဝတ်စလေးတခုတင်ထားလို့ရတဲ့ဒီအရာဟာအာရုံခံစားမှုအချက်အလက်အစုအပေါင်းတခုသက်သက်တော့မဖြစ်နိုင်ပါဘူး။တကယ်လို့တင်လိုက်တဲ့စားပွဲခင်းအစဟာစားပွဲတခုလုံးကိုလုံးဝဖုံးသွားတယ်ဆိုရင်ကျနော်တို့ဟာဒီစားပွဲကနေတိုက်ရိုက်သိရတဲ့အာရုံခံစားမှုအချက်အလက်ဆိုတာမရတော့ဘူးလို့ဆိုရမှာဖြစ်ပါတယ်။ဒီနေရာမှာတကယ်လို့သာစားပွဲဆိုတာအာရုံခံစားမှုအချက်အလက်တွေသက်သက်ပဲဖြစ်တယ်ဆိုရင်အခုလိုစားပွဲခင်းအုပ်လိုက်လို့စားပွဲကအာရုံခံစားမှုအချက်အလက်တွေကျနော်တို့ဆီတိုက်ရိုက်မရောက်နိုင်တဲ့အတွက်စားပွဲဆိုတာမရှိတော့ဘူးလို့ဆိုရမလိုဖြစ်နေပါတယ်။ဒီလိုဆိုရင်စားပွဲခင်းဟာအရင်စားပွဲရှိခဲ့တဲ့နေရာမှာတစုံတရာသောအံ့ဖွယ်တန်ခိုးတခုကြောင့်လေထဲမှာတန်းလန်းကြီးဖြစ်နေတယ်လို့ဆိုရတော့မှာဖြစ်ပါတယ်။ဒီလိုဆိုရင်သိသိသာသာကြီးကိုအဓိပယ်မရှိဖြစ်နေသလိုပါပဲ။ဒါပေမယ့်တကယ်အတွေးအခေါ်ပညာရှင်ဖြစ်ချင်သူတိုင်းဟာဒီလို (ကိုယ်တည်ဆောက်ထားတဲ့ကိုယ့်အတွေးနဲ့ကိုယ်) အဓိပယ်မရှိဘူးဖြစ်သွားတာမျိုးကိုလန့်မသွားပဲဆက်စဉ်းစားဖို့လိုပါတယ်။

 

ကျနော်တို့အခုလိုဒြပ်ရှိအရာဝတ္ထုရဲ့ရှိမှုကိုအာရုံခံစားမှုအရသိမှုအပြင်ကိုပိုပြီးသေချာအောင်စဉ်းစားရတဲ့အကြောင်းပြချက်ကြီးတခုကတော့စားပွဲတလုံးကိုမြင်ရ၊သိရ၊တွေ့ရတဲ့သူတိုင်းအတွက်တူညီသောတခုတည်းသောအရာဆိုတာသေချာချင်လို့ပါပဲ။ (ဆိုလိုတာက) ညစာစားစားပွဲတလုံးကိုလူဆယ်ယောက်ပတ်ပြီးထိုင်နေကြတယ်ဆိုရင်သူတို့မြင်ရတဲ့စားပွဲခင်း၊ဓါးနဲ့ခရင်းတွေ၊ဇွန်းတွေနဲ့ဖန်ခွက်တွေကအားလုံးအတွက်တူညီသောအရာတွေကိုပဲမြင်နေရတာမဟုတ်ပါဘူးလို့ပြောမယ်ဆိုရင်မဖြစ်နိုင်စရာအဓိပယ်မရှိတာကြီးလိုဖြစ်နေမှာပါ။ဒါပေမယ့်အာရုံခံစားမှုအချက်အလက်တွေဆိုတာမျိုးဟာသီးခြားတဦးစီဖြစ်တဲ့လူပုဂိုလ်တိုင်းအတွက်ပုဂလဆန်တဲ့ခံစားမှုအချက်အလက်တွေဖြစ်ပါတယ်။ဆိုလိုတာကတယောက်ကမြင်လိုက်ရတဲ့အရာကိုနောက်တယောက်က(ထိုင်တဲ့နေရာမတူတဲ့အတွက်) ချက်ချင်းမြင်ချင်မှမြင်မှာပါ။အားလုံးဟာဒီစားပွဲပေါ်ကအရာတွေအားလုံးကိုနည်းနည်းစီကွဲပြားသွားတဲ့ရှုထောင့်တွေနဲ့မြင်နေရတာဖြစ်တဲ့အတွက်မြင်ပုံတွေကလည်းနည်းနည်းစီကွဲပြားသွားမှာဖြစ်ပါတယ်။ဒါ့ကြောင့်တကယ်လို့တနည်းနည်းနဲ့သိနိုင်မယ့်တူညီတဲ့ဘုံအရှုခံအရာဝတ္ထုတွေဆိုတာမျိုးသာရှိတယ်လို့ယူဆရမယ်ဆိုရင်မတူညီတဲ့လူတိုင်းအတွက်ကိုယ်ပဲခံစားရတဲ့ခံစားမှုထက်ပိုတဲ့မတူညီတဲ့လူတိုင်းအတွက်သိသာစေတဲ့အာရုံခံစားမှုအချက်အလက်တခုခုဆိုတာမျိုးဟာရှိကိုရှိရမယ်လို့ဆိုရမှာဖြစ်ပါတယ်။ဒါဆိုရင်ကျနော်တို့မှာအခုလို (အားလုံးအတွက်တခုတည်းဖြစ်မယ့်) ဘုံအရှုခံအရာတွေရှိတယ်လို့ဘယ်လိုအကြောင်းပြချက်မျိုးနဲ့ယူဆလို့ရမလဲ…။

လူတိုင်းလိုလိုအတွက်သဘာဝကျကျပထမဆုံးထွက်လာနိုင်မယ့်အဖြေတခုကတော့ဒီလိုပါ။ဒီလူတွေကစားပွဲကိုမြင်ပုံနည်းနည်းစီကွဲပြားကြတယ်ဆိုပေမယ့်လည်းသူတို့စားပွဲကိုကြည့်လိုက်တဲ့အခါမှာသူတို့မြင်ရတာကအနည်းနဲ့အများအတူတူပဲဖြစ်တဲ့အရာတွေဖြစ်ပြီးတော့သူတို့ရဲ့ကွဲပြားသွားတယ်ဆိုတဲ့မြင်ပုံတွေကလည်းမြင်ရတဲ့ရှုထောင့်နဲ့အလင်းပြန်တဲ့အနေအထားအပေါ်မူတည်ပြီးတော့ပဲပြောင်းသွားတာဖြစ်တဲ့အတွက်မတူညီတဲ့လူတိုင်းကရလာတဲ့အာရုံခံစားမှုအချက်အလက်တွေအားလုံးကိုအခြေခံထားတဲ့တည်မြဲတဲ့အရှုခံအရာဝတ္ထုတခုရှိကြောင်းကိုရှင်းချက်ထုတ်ဖို့လွယ်တယ်လို့ဆိုတဲ့အဖြေပဲဖြစ်ပါတယ်။ကျနော်အခုရေးနေတဲ့စားပွဲကိုအရင်ဒီအခန်းမှာနေသွားတဲ့သူဆီကဝယ်ထားတာပါ။ဆိုလိုတာကအရင်ဒီအခန်းမှာနေသွားတဲ့သူရဲ့သူမရှိတော့တဲ့အခါမှာဆက်ရှိမနေတော့တဲ့ (စားပွဲနဲ့ဆိုင်တဲ့) အာရုံခံစားမှုအချက်အလက်တွေကိုတော့ကျနော်ဝယ်လို့မရပါဘူး။ဒါပေမယ့်ကျနော်ကသူရဲ့စားပွဲနဲ့ပတ်သက်တဲ့အာရုံခံစားမှုအချက်အလက်တွေနဲ့သိပ်မကွာတဲ့အာရုံခံစားမှုအချက်အလက်တွေကိုပဲရမယ်လို့ကျနော်ယုံတဲ့အတွက်ဒီစားပွဲကိုကျနော်ဝယ်လိုက်တာဖြစ်တယ်လို့ပြောနိုင်ပါတယ်။ဒါ့ကြောင့်မို့လို့ (တခုတည်းသောအရှုခံအရာတခုအပေါ်မှာ) လူအမျိုးမျိုးအတွက်သိပ်မကွာလှတဲ့အာရုံခံစားမှုအချက်အလက်တွေရှိမှာဖြစ်ပြီးတော့လူတယောက်တည်းအတွက်လည်းအရှုခံအရာတခုကိုတနေရာတည်းမှာဖြစ်ပေမယ့်မတူညီတဲ့အချိန်ကာလတွေမှာကြည့်တဲ့အခါကျရင် (ကွဲပြားပေမယ့်) သိပ်မကွာလှတဲ့အာရုံခံစားမှုအချက်အလက်တွေရှိမယ်လို့ဆိုနိုင်ပါမယ်။ဒီ့အတွက်ကြောင့်ပဲတကိုယ်ရေအာရုံခံစားမှုအချက်အလက်တွေထက်ကျော်လွန်တဲ့၊မတူညီသောလူတွေရဲ့အာရုံခံစားမှုတွေကိုအခြေခံထားတဲ့ (သို့) မတူညီသောလူတွေကိုအချိန်ကာလအပိုင်းအခြားနဲ့လိုက်ပြီး (မကွာလှတဲ့)အာရုံခံစားမှုအမျိုးမျိုးဖြစ်စေတဲ့တည်မြဲနေတဲ့ဘုံအရှုခံအရာဝတ္ထုရှိတယ်လို့ကျနော်တို့ယူဆနိုင်တာဖြစ်ပါတယ်။

 

အခုဒီနေရာရောက်လာတဲ့အထိကျနော်တို့(တဦးချင်းစီရဲ့) တည်ရှိမှုအပြင်တခြားသူတွေလည်းရှိကြတယ်လို့ယူဆတဲ့အပေါ်မှာလည်းအခြေခံတဲ့အထက်ကလိုစဉ်းစားပုံတွေအရဆိုရင်ခုန(လူဆယ်ယောက်ဝိုင်းထိုင်နေတဲ့)စားပွဲရဲ့တည်ရှိမှုကိုသေချာအောင်စဉ်းစားရသလိုပဲဒီတခြားလူတွေရဲ့တည်ရှိမှုကိုလည်းသေချာအောင်လုပ်ရပါတယ်။အဲဒီ့တခြားသူတွေဆိုတာဟာလည်းအာရုံခံစားမှုပုံစံတွေအမျိုးမျိုးဖြစ်တဲ့သူတို့ရဲ့အကောင်အထည်ကိုမြင်ရတဲ့အမြင်အာရုံအရ၊သူတို့ရဲ့အသံကိုကြားရတဲ့အကြားအာရုံတွေအရသူတို့ရှိနေကြောင်းကိုကျနော်တို့သိရပြီးတကယ်လို့ကျနော့မှာကျနော့ရဲ့တကိုယ်ရေအာရုံခံစားရမှုအပေါ်မှာမမှီခိုပဲရှိနေတဲ့ဒြပ်ရှိအရာဝတ္ထုရှိတယ်လို့ယူဆလို့ရမယ့်အကြောင်းပြချက်မရှိဘူးဆိုရင်တခြားလူတွေရဲ့တည်ရှိမှုကိုလည်းကျနော်အိပ်မက်မက်နေတယ်လို့ယူဆလို့ရတာကလွဲရင်သူတို့ရှိနေတယ်လို့ကျနော်ယူဆလို့ရမယ့်အကြောင်းပြချက်ဆိုတာလည်းကျနော့မှာရှိနိုင်မှာမဟုတ်တော့ပါဘူး။ဒါ့ကြောင့်မို့လို့ကျနော်တို့ရဲ့ကိုယ်ပိုင်တကိုယ်ရေအာရုံခံစားမှုတွေအပေါ်မှာအခြေမခံပဲသီးခြားရပ်တည်နေတဲ့အရှုခံ၊အထိခံ၊အတွေ့ခံအရာတွေရှိတယ်ဆိုတာကိုပြဖို့ကြိုးစားတဲ့နေရာမှာတခြားသူတွေရဲ့သက်သေခံချက်တွေနဲ့ဒါကိုတည်ဆောက်လို့မရပါဘူး။အကြောင်းကတော့ဒီသက်သေခံချက်ဆိုတာတွေကိုယ်တိုင်ကလည်း (တခြားသူတွေရဲ့) အာရုံခံစားမှုအချက်အလက်တွေပါနေတာပဲဖြစ်ပြီးတော့ကျနော်တို့ရဲ့ကိုယ်နဲ့ပဲဆိုင်တဲ့အာရုံခံစားမှုအချက်အလက်ဆိုတာတွေဟာကျနော်နဲ့ကင်းပြီးသီးခြားဖြစ်တည်နေတဲ့အရာတွေရှိကြောင်းပြတဲ့သင်္ကေတတွေမဟုတ်ဘူးဆိုရင်တခြားသူတွေရဲ့အာရုံခံစားမှုအချက်အလက်တွေရစေတဲ့အတွေ့အကြုံဆိုတာလည်းပဲသူတို့သိစိတ်ထဲမှာသာဖြစ်သွားတဲ့ခံစားမှုတွေဖြစ်တဲ့အတွက်အထက်ကပြောခဲ့တဲ့သက်သေခံချက်တွေကအသုံးမဝင်တာဖြစ်ပါတယ်။ဒါ့ကြောင့်ကျနော်တို့ဟာဖြစ်နိုင်မယ်ဆိုရင်ကျနော်တို့ရဲ့ကိုယ်ပိုင်ပုဂလဆန်တဲ့ (အာရုံခံစားမှု)အတွေ့အကြုံတွေထဲကနေလောကမှာကျနော်တို့ကိုယ်တိုင်နဲ့ကျနော်တို့ရဲ့တကိုယ်ရေအတွေ့အကြုံတွေနဲ့မသက်ဆိုင်ပဲသီးခြားဖြစ်တည်နေတဲ့အရာတွေရှိတယ်ဒါမှမဟုတ်ရှိနိုင်တယ်လို့ညွှန်ပြနေတဲ့ဝိသေသလကဏာတွေကိုရှာကြည့်ရမှာဖြစ်ပါတယ်။

 

ပြောရမယ်ဆိုရင်ကျနော်တို့ဟာကိုယ်မဟုတ်ပဲကိုယ်နဲ့မဆိုင်တဲ့အရာဝတ္ထုတွေရဲ့တည်ရှိမှုကိုကျနော်တို့ရဲ့အတွေ့အကြုံတွေမပါပဲသက်သေပြလို့မဖြစ်နိုင်ဘူးဆိုတာတနည်းနည်းနဲ့ဝန်ခံရမှာဖြစ်ပါတယ်။လောကကြီးမှာကိုယ်ကိုယ်တိုင်ရယ်၊ကိုယ့်အတွေး၊ကိုယ့်စိတ်ခံစားမှုနဲ့ကိုယ့်အာရုံခံစားမှုတွေသာလျှင်ရှိနေပြီးကျန်တာအကုန်လုံးဟာစိတ်ကူးယဉ်နေတာတွေပါပဲဆိုတဲ့အဆိုကြမ်းတခုထုတ်ကြည့်လိုက်မယ်ဆိုရင်လည်းယုတိမကျလှတဲ့အဓိပယ်မဲ့မှုမျိုးပဲဖြစ်နေမှာပါ။အိပ်မက်တွေထဲကရှုပ်ရှုပ်ထွေးထွေးဖြစ်နေတတ်တဲ့လောကအခြေအနေမျိုးဟာတကယ်ရှိနေတယ်လို့ထင်ရပါတယ်။ဒါပေမယ့်နိုးလာတဲ့အခါမှာတော့ဒါဟာထင်ယောင်ထင်မှားဖြစ်တာဖြစ်ပြီးတကယ်မဟုတ်တဲ့ဟာပဲဆိုတာကို (ချက်ချင်းလို)သိရပါတယ်။ဒါကဘာကိုပြနေလဲဆိုတော့အိပ်မက်ထဲကအာရုံခံစားမှုအချက်အလက်တွေဟာကျနော်တို့ပင်ကိုယ်သဘာဝအရခံစားရတဲ့အာရုံခံစားမှုအချက်အလက်တွေအရရှိတယ်လို့ကောက်ချက်စွဲထားတတ်တဲ့ဒြပ်ရှိအရာဝတ္ထုမျိုးတွေနဲ့မဆိုင်လှသလိုဖြစ်နေတာကိုပြနေပါတယ်။ [ အိပ်မက်တွေမက်တဲ့အခါမှာသူ့အတွက်ဒြပ်ရှိလောကတခုရှိတယ်လို့ယူဆချင်တယ်ဆိုရင်လည်းအိပ်မက်ထဲကအာရုံခံစားမှုအချက်အလက်တွေအတွက်(တကယ့်အပြင်လောကက) ရုပ်ပိုင်းဆိုင်ရာအကြောင်းတရားတွေကိုရှာကြည့်မယ်ဆိုရင်ရနိုင်တယ်ဆိုတာလည်းမှန်ပါတယ်။ဥပမာပြောရရင်တဝုန်းဝုန်းဖြစ်နေတဲ့တံခါးအဖွင့်အပိတ်အသံတွေဟာကျနော်တို့ကိုရေကြောင်းတိုက်ပွဲတွေတိုက်နေရတယ်လို့အိပ်မက်တွေမက်ချင်မက်စေနိုင်ပါတယ်။ဒါပေမယ့်အခုလိုအိပ်မက်ထဲကအာရုံခံစားမှုအချက်အလက်တွေအတွက်ဒြပ်ရှိအကြောင်းတရားတွေရှာလို့ရတယ်ဆိုပေမယ့်လည်းတကယ့်ရေကြောင်းတိုက်ပွဲလိုဟာမျိုးကပေးတဲ့အာရုံခံစားမှုကိုဖြစ်စေတဲ့တကယ့်ရုပ်ဒြပ်အကြောင်းတရား(အမြှောက်ပစ်သံဖြစ်စေသောရုပ်ဒြပ်ရှိအမြှောက်စသည်)တွေဆိုတာရှိမနေတာကိုတွေ့ရမှာဖြစ်ပါတယ်) ကိုယ့်ဘဝတလျှောက်လုံးဟာအိပ်မက်တခုသာဖြစ်ပြီးတော့ကျနော်ကြုံလာရတာတွေတိုင်းဟာကျနော်တို့ကိုယ်တိုင်ရဲ့(စိတ်ကူး)ဖန်တီးချက်တွေပါပဲဆိုတာကိုယုတ္တိအတိအကျနဲ့မဖြစ်နိုင်ပါဘူးလို့တရားသေပြောလို့မရပါဘူး။ဒါပေမယ့်အခုလိုယုတ္တိအတိအကျနဲ့တရားသေမဖြစ်နိုင်ပါဘူးလို့ပြောလို့မရသည့်တိုင်အောင်အဲ့သလိုမျိုးဘဝဟာအိပ်မက်ကြီးပါပဲလို့ပြောလို့ရစရာအကြောင်းတော့မရှိပါဘူး။တကယ့်အခြေအနေမှန်ကိုပြောရရင်အခုလိုဘဝဟာအိပ်မက်ကြီးပါပဲလို့တွေးကြည့်တာမျိုးဟာကျနော်တို့ရဲ့တဦးစီရဲ့ပုဂ္ဂလဘဝတွေအတွက်အခြေအနေမှန်တွေကိုဆင်ခြင်ယူဆဖို့အတွက်နည်းတခုအနေနဲ့သိပ်မရှင်းလင်းလှတဲ့အဆိုကြမ်းတခုအဖြစ်မှန်းဆကြည့်ခြင်းလို့ဆိုရင်မှားမယ်မထင်ပါဘူး။တကယ့်သာမာန်လူပြိန်းသိနဲ့အဆိုကြမ်းတခုထုတ်ပြီးတဦးစီရဲ့ပုဂ္ဂလဘဝတွေအတွက်အခြေအနေမှန်တွေကိုမှန်းဆကြည့်ခြင်းဆိုတာမျိုးကတော့ကျနော်တို့နဲ့ကင်းကွာပြီးသီးခြားဖြစ်တည်နေပြီးသူတို့ရှိခြင်းကြောင့်ကျနော်တို့အာရုံခံစားမှုတွေဖြစ်ရပါတယ်ဆိုတာလောက်တော့အနုမာနယူဆထားဖို့လိုမယ်ထင်ပါတယ်။

 

အခုလိုနည်းလမ်းမျိုးနဲ့တကယ့်ဒြပ်ရှိအရာဝတ္ထုတွေရှိပါတယ်လို့ခပ်ရှင်းရှင်းယူဆရတာကတော့လွယ်လွယ်ကူကူနဲ့ကိုသဘောပေါက်နိုင်ပါတယ်။

 

(ယခုရပ်ဆဲလ်၏ရှေ့ဆက်ရှင်းပြပုံမှာယခင်ရှေ့ပိုင်းတွင်ပြောခဲ့သောအတွေးအခေါ်ပညာရှင်ဘုန်းတော်ကြီးဘာကလေ၏လောကတွင်ဒြပ်ဝတ္ထုတကယ်မရှိပဲတဦးစီ၏စိတ်ကူးစိတ်သန်းများသာရှိသည်ဆိုသောဘာကလေ၏အဆိုအူကြောင်ကြောင်နိုင်ပုံကိုပေါ်လွင်လိုရင်းနှင့်ဘာကလေ၏အဖြေထုတ်ပုံဖြစ်သောလောကရှိလူတဦးစီတို့စိတ်မကူးသည့်အချိန်တွင်အရာဝတ္ထုများဆက်ရှိနေစေရန်ဘုရားသခင်ကဖန်ဆင်းပေးထားသည်ဆိုသောအမြင်ကိုချေဖျက်လိုရင်းဖြစ်ဟန်တူပါသည်။။ဘာသာပြန်သူ)

တကယ်လို့ကြောင်တကောင်ကိုအခိုက်အတန့်တခုမှာအခန်းရဲ့တနေရာမှာမြင်နေရပြီးနောက်အခိုက်အတန့်တခုမှာအခန်းရဲ့နောက်တနေရာမှာမြင်လိုက်ရတယ်ဆိုရင်အဲဒီ့ကြောင်ဟာအခန်းထဲမှာတနေရာကနေတနေရာကိုရွှေ့သွားတယ်လို့ဖြစ်ရိုးဖြစ်စဉ်အရယူဆလို့ရပါတယ်။တကယ်လို့သာဒီလိုကြောင်ကိုမြင်လိုက်ရခြင်းဟာကိုယ့်ရဲ့ပုဂ္ဂလအာရုံခံစားမှုအချက်အလက်တွေသက်သက်သာတည်ဆောက်ထားတာမျိုးဆိုရင်ဒီကြောင်ဟာ(ကျနော်မြင်တဲ့နေရာမှာပဲရှိနေပြီး) ကျနော်သူ့ကိုမမြင်ရသေးတဲ့နေရာမှာပေါ်လာဖို့ဆိုတာမဖြစ်နိုင်ဘူးလို့ယူဆရတော့မှာဖြစ်ပါတယ်။ဒါ့ကြောင့်မို့လို့ပဲ (ကျနော်ရဲ့အာရုံခံစားမှုအချက်အလက်ကြောင့်သာရှိနေတယ်ထင်ရတဲ့ကြောင်ဆိုရင်) ကျနော်ကြည့်မနေတဲ့အခါမှာ(ကျနော်ရဲ့စိတ်ထဲမှာကြောင်ကိုမြင်တယ်ဆိုတဲ့အာရုံခံစားမှုအချက်အလက်မပေါ်တဲ့အခါမှာ) ကြောင်ဆိုတာမရှိဘူးလို့ပဲသတ်မှတ်ရတော့မလိုဖြစ်သွားပါလိမ့်မယ်။ (ပြီးတော့တခါခုနကကြောင်ကတနေရာကနေတနေရာကိုသွားလိုက်တဲ့ဖြစ်စဉ်မှာအခုလိုနည်းနဲ့ဆက်စဉ်းစားမယ်ဆိုရင်ကြောင်ဟာမမြင်တဲ့အချိန်မှာမရှိတော့ပဲပျောက်သွားပြီး) ရုတ်တရက်ကြီးဖျတ်ခနဲတနေရာမှာပြန်ပေါ်လာတယ်လို့ယူဆရမလိုလည်းဖြစ်သွားပါလိမ့်မယ်။တကယ်လို့အဲဒီ့ကြောင်ဟာကျနော်ကြည့်နေမနေ၊ရှိတယ်ဆိုရင်ကျနော်တို့ဟာကိုယ့်ရဲ့အတွေ့အကြုံအရကနေဒီကြောင်ဟာသူ့အတွက်စားရတဲ့တနပ်နဲ့တနပ်နဲ့ကြားမှာတဖြည်းဖြည်းဆာလောင်လာတာမျိုးကိုနားလည်နိုင်ပါတယ်။ဒါပေမယ့်ကြောင်ဟာကျနော်ကြည့်မနေတဲ့အချိန်မှာသာရှိမနေဘူးဆိုလို့ရှိရင်လက်တွေ့မှာတွေ့လာရမှာဖြစ်တဲ့ကြောင်ရဲ့ဆာလောင်မှုတိုးလာတာဟာကြောင်ကိုမြင်ရသည်ဖြစ်စေ၊မမြင်ရသည်ဖြစ်စေတိုးလာတာခြင်းတူတူပဲဖြစ်နေတာကိုတွေ့ရမှာဖြစ်ပြီးဒီလိုယူဆရတာမျိုးကြီးကကြောင်တောင်တောင်ကြီးဖြစ်နေပါလိမ့်မယ်။နောက်ပြီးတော့ဒီကြောင်ဟာအာရုံခံစားမှုအချက်အလက်တွေသက်သက်နဲ့သာဖွဲ့စည်းထားတယ်ဆိုရင်လည်းဒီကြောင်ကဗိုက်ဆာတယ်လို့လည်းယူဆလို့မရနိုင်ပါဘူး။ဘာလို့လည်းဆိုတော့လူဟာကိုယ့်ရဲ့ဆာလောင်မှုကိုပဲအာရုံခံစားသိနိုင်ပြီးတော့သူများခံစားရတာကိုသိဖို့မဖြစ်နိုင်လို့ပါပဲ။ဒါ့ကြောင့်မို့လို့အခုလိုကြောင်ကပေးတဲ့အမြင်နဲ့အကြားအာရုံခံစားမှုအချက်အလက်တွေကနေတွေ့ရတဲ့ (အော်ပြီးအဆာတောင်းတာမျိုးတွေကို) ကြောင်ဗိုက်ဆာတာပဲလို့ဖြစ်ရိုးဖြစ်စဉ်အဖြစ်သတ်မှတ်မယ်ဆိုရင်ပြဿနာမရှိပေမယ့်ကြောင်မြင်ရတာ၊ရွေ့သွားတာကိုမြင်ရတာတွေကိုကြောင်ပုံစံလို့ခေါ်တဲ့အရောင်တွေ၊အလင်းပြန်မှုတွေကိုယ့်မျက်လုံးရှေ့မှာရွေ့သွားတာလို့ပဲတွက်မယ်ဆိုရင်အခုလိုကြောင်ကဆာလောင်လာတာမျိုးဟာဘာ့ကြောင့်ဘယ်လိုဆိုတာကိုဘယ်လိုမှရှင်းပြလို့မရပဲဖြစ်သွားပါလိမ့်မယ်။ပမာပြောရရင်ဘောလုံးကစားတာဟာတြိဂံတခုလိုပဲ၊အဲဒီ့တြိဂံဆိုတာကတော့ဆာလောင်မှုလို့ခေါ်တယ်လို့ရှင်းပြဖို့ကြိုးစားသလိုကြီးဖြစ်နေမှာဖြစ်ပါတယ်။

ဒါပေမယ့်အခုလိုကြောင်ရဲ့ရှိမှုကိုကိုယ့်ရဲ့အာရုံခံစားမှုအချက်အလက်သက်သက်ပဲလို့ယူဆရတာခက်ခက်ခဲခဲနိုင်တယ်ဆိုတာမျိုးဟာကိုယ်မှတပါးဖြစ်တဲ့တခြားလူတွေရဲ့ရှိမှုကိုအခုလိုပဲယူဆရတာမျိုးရဲ့ခက်ခဲတာမျိုးနဲ့ယှဉ်ရင်ဘာမှမဟုတ်တော့ပဲဖြစ်သွားပါလိမ့်မယ်။လူတွေစကားပြောကြတဲ့အခါကျရင်… ဆိုလိုတာကကျနော်တို့နားထဲမှာအတွေးအကြံတွေအဖြစ်ပေါ်လာအောင်ဆက်စပ်ပုံဖော်ကြည့်လို့ရတဲ့အသံဗလံတွေကိုကြားရပြီးတော့တဆက်တည်းမှာပဲနှုတ်ခမ်းရဲ့လှုပ်ရှားမှုနဲ့မျက်နှာအမူအရာတွေကိုပါတွဲမြင်ရတဲ့အခါကျရင်ဒါတွေဟာ (အကြားအာရုံနဲ့အမြင်အာရုံခံစားမှုအချက်အလက်တွေသက်သက်သာဖြစ်ပြီး) တခြားသူတယောက်၏အတွေးအကြံတွေကိုကိုယ်စားပြုဖော်ပြပေးနေတဲ့အသံတွေမဟုတ်ဘူးလို့ယူဆလိုက်ဖို့ဆိုတာကအရမ်းခက်ပါတယ်။ဘာလို့လည်းဆိုတော့ကျနော်တို့ကိုယ်တိုင်လည်းအဲဒီ့အသံဗလံတွေကိုယ့်ပါးစပ်ကထွက်လာအောင်ပြုကြည့်မယ်ဆိုရင်ဒီအသံတွေကကိုယ်ဆက်စပ်ပုံဖော်ကြည့်လို့ရတဲ့အတွေးအကြံတွေနဲ့တသားတည်းလိုဖြစ်နေတာကိုတွေ့ရမှာဖြစ်လို့ပါပဲ။

(ဥပမာ “ငါရေသောက်ချင်တယ်” လို့တခြားသူပြောတာကိုကြားတဲ့အခါကိုယ့်ဟာကိုယ်လည်း “ငါရေသောက်ချင်တယ်” လို့အသံပြုကြည့်မယ်ဆိုရင်လည်းဒီအသံအပေါ်မှာကိုယ့်ရဲ့သဘောပေါက်ပုံကကိုယ့်ရဲ့ပါးစပ်ထဲကိုရေလောင်းချချင်တယ်ဆိုတဲ့အတွေးအကြံအပေါ်မှာပဲအခြေခံထားတာကိုကိုယ့်ဟာကိုယ်တွေ့ရမှာဖြစ်တဲ့အတွက်ကိုယ်နားလည်တဲ့ဘာသာစကား “ငါရေသောက်ချင်တယ်” ဆိုတဲ့အသံကိုကြားရတဲ့အခါမှာအသံချည်းသက်သက်ပဲပါးစပ်ထဲကိုရေလောင်းချချင်တယ်ဆိုတဲ့အတွေးအကြံဆိုတာကိုဒီအသံကကိုယ်စားမပြုပါဘူးလို့အတင်းတွေးကြည့်ဖို့ဆိုတာမဖြစ်နိုင်ပါဘူး။ဒီအသံဟာအသံသက်သက်ပါပဲလို့အတင်းတွေးတာဟာအဲ့လိုတွေးတာသက်သက်သီးသန့်ဖြစ်နေမှာဖြစ်ပြီးကိုယ့်ရဲ့ဒီအသံအပေါ်မှာဖွင့်ဆိုလိုက်မှုကိုဖျောက်မရပဲကျန်နေဦးမှာဖြစ်ပါတယ်)

ပြောရမယ်ဆိုရင်အိပ်မက်ထဲမှာလည်းတခြားလူတွေကိုထည့်မက်တဲ့အခါဒီလိုအာရုံခံစားမှုအချက်အလက်တွေကိုဖွင့်ဆိုမှုတွေကြောင့်ပဲတခြားလူတွေလည်းကိုယ့်အိပ်မက်ထဲမှာရှိနေတယ်လို့ထင်မှတ်မှားကြတာဖြစ်ပါတယ်။ ဒါပေမယ့် အိပ်မက်တွေမက်တယ်ဆိုတာမှာလည်း ကိုယ့်ရဲ့ အိပ်မက်မက်နေတာမဟုတ်တဲ့ လက်တွေ့ဘဝကအရာတွေနဲ့ ဆင်တူယိုးမှားပဲ အနည်းနဲ့အများ မက်တတ်ကြပါတယ်။ အဲ့လို အိပ်မက်ထဲက လောကမျိုး တကယ်ရှိမယ်လို့ ယူဆမယ်ဆိုရင်လည်း ဒီ အိပ်မက်တွေထဲက ဖြစ်ရပ်တွေက သဘာဝရဲ့ ဥပဒေသတွေအရ လက်တွေ့လောကမှာ ဖြစ်နိုင်မဖြစ်နိုင်တွက်ဆကြည့်လို့ အနည်းနဲ့အများရတတ်တဲ့ ဖြစ်ရပ်တွေကိုလဲ အိပ်မက်မက်တတ်တာကို တွေ့ရမှာဖြစ်ပါတယ်။(ဘာသာပြန်သူ စကားချပ်။ ။ဥပမာ – အိပ်မက်ထဲမှာ ကိုယ်က စာမေးပွဲခန်းထဲ ချွေးပြန်ပြီး အကျပ်တွေ့နေတာမျိုးဟာလည်း အပြင်မှာ ဖြစ်နိုင်ပြီး ဖြစ်ဖူးပြီးသားကိုတောင် ဆင်တူယိုးမှား အိပ်မက်မက်မိနိုင်ပါတယ်။ အိပ်မက်ထဲမှာ ကာတွန်းဇတ်ကောင်နဲ့ စကားပြောရတယ်ဆိုတာမျိုးကတော့ အပြင်မှာ မဖြစ်နိုင်ပဲ၊ သဘာဝရဲ့ ဥပဒေသအရလဲ ကာတွန်းရုပ်တွေက အသက်ရှိမလာနိုင်တဲ့အတွက် မဖြစ်နိုင်တဲ့ အိပ်မက်လို့ပြောရမှာပါ။ ဒါပေမယ့် များသောအားဖြင့် အပြင်မှာလည်း ဖြစ်မယ်ဆိုဖြစ်နိုင်မယ့် အခြေအနေမျိုးတွေကိုပဲ ကျနော်တို့ မက်တတ်ကြတာများတယ်လို့ပြောရင် မှားမယ် မထင်ပါဘူး။ ။ဘာသာပြန်သူ) ဒါတွေကြောင့်မို့လို့ ရိုးရိုးရှင်းရှင်းစဉ်းစားကြည့်လို့ရတဲ့ ဖြစ်လေ့ရှိတဲ့သဘောသဘာဝ တရားအရ စဉ်းစားနည်းမှန်သမျှက ကျနော်တို့ကို ဖြစ်ရိုးဖြစ်စဉ်အတိုင်းသာ စဉ်းစားပြီး တကယ့် အရှုခံ၊အတွေ့ခံ ဒြပ်ရှိအရာဝတ္ထုတွေဟာ (ကျနော်တို့ ကိုယ့်ကိုယ်ကိုယ် အသေချာဆုံးဖြစ်တဲ့ ကိုယ်ကိုယ်တိုင်ရယ်၊ ကိုယ်ရဲ့အာရုံခံစားမှုတွေရယ်အပြင်) ကိုယ့်ရဲ့ ရှုမြင်သုံးသပ်တွေးတောပြီး ရှိတယ်လို့ယူဆမှ ရှိလာတာမဟုတ်ပဲ သူ့ဟာသူလဲရှိနေပြီးဖြစ်တဲ့ ဒြပ်ရှိအရာဝတ္ထုတွေရှိနေတယ်ဆိုတာကို ရိုးရိုးလေး ရှုမြင်ဖို့ တောင်းဆိုနေပါတယ်။

 

ကျနော်တို့ဟာကျနော်တို့ရဲ့သိမှုကိုမမှီခိုစရာမလိုပဲရှိနေတဲ့ပြင်ပလောကရှိတယ်ဆိုတာကိုအထက်ကပြောခဲ့သလိုငြင်းခုံလာပြီးမှသိတာမဟုတ်ဘူးဆိုတာမှန်ပါတယ်။ကျနော်တို့ဟာအခုလိုပြင်ပလောကရှိပါတယ်ဆိုတဲ့ယုံကြည်မှုကို (ပြင်ပကမ္ဘာရှိမှုရဲ့သင်္ကေတတွေ) ကိုယ့်စိတ်ထဲမှာရောင်ပြန်ဟပ်လာတာနဲ့အမျှကျနော်တို့စိတ်ထဲမှာအဲဒီ့ယုံကြည်မှုအရံသင့်ဖြစ်လာတာဖြစ်ပါတယ်။ဒါကို “ပင်ကိုသိယုံကြည်မှု” လို့ခေါ်နိုင်မယ်ထင်ပါတယ်။ကျနော်တို့ဟာဒီလိုယုံကြည်မှုမျိုးကိုမေးခွန်းထုတ်နေစရာကိုမလိုသင့်ဘူးဆိုပေမယ့်ဘယ်လိုအခြေအနေမျိုးမှာပဲဖြစ်ဖြစ်ြကုံရမယ့်မြင်ခြင်းကိစ္စမှာကြည့်မယ်ဆိုရင် (မြင်ခြင်းနဲ့ဆိုင်တဲ့)အာရုံခံစားမှုအချက်အလက်တွေကိုယ်တိုင်ကိုပဲပင်ကိုသိအရသီးခြားဖြစ်တည်နေတဲ့အရာအဖြစ်ယုံကြည်မိနေသလိုဖြစ်နေပြီးတော့ကျနော်ငြင်းခုံလာခဲ့သမျှအရဆိုရင်တော့ဒီသီးခြားအရာဝတ္ထုဆိုတာကအာရုံခံစားမှုအချက်အလက်တွေအရရတဲ့အရာနဲ့တထပ်တည်းကျမနေတာကိုတွေ့ရမှာဖြစ်ပါတယ်။ (အလင်းပြန်ပုံအရမြင်ရသောအမြင်နှင့်အရောင်စသည်တို့နှင့်တကွရှုထောင့်အရပါတကယ့်အရာ၏အရောင်၊ပုံသဏ္ဍန်စသည်တို့နဲကွဲနိုင်ပုံကိုအစပိုင်းတွင်ဖော်ပြခဲ့ပြီးဖြစ်သည်။။ဘာသာပြန်သူ) အခုလိုသီးခြားဖြစ်တည်နေတဲ့အရာတွေနဲ့သူ့တို့ကိုမှီပြီးဖြစ်လာတဲ့အာရုံခံစားမှုအချက်အလက်တွေကွဲလွဲပြီးတလွဲထင်နိုင်ပုံတွေဟာအရသာ၊အသံနဲ့အနံ့နဲ့ဆိုင်တဲ့အာရုံခံစားမှုနဲ့ပတ်သတ်တဲ့အရာတွေမှာကျတော့အခုလိုကွဲလွဲမှုလုံးဝမရှိတာကိုတွေ့ရပေမယ့်လည်းအဲ့ဒီလိုတကယ်သီးခြားရှိနေတာနဲ့သူ့ကိုမှီပြီးဖြစ်လာတဲ့အာရုံခံစားရမှုအချက်အလက်ကရတဲ့အသိကနေပုံဖော်ထားတဲ့အရှိတရားကွဲပြားနေနိုင်တယ်ဆိုတာကိုကျနော်တို့သိနေပေမယ့်လည်းကျနော်တို့ရဲ့ပင်ကိုသိယုံကြည်ချက်ဖြစ်တဲ့ကျနော်တို့ရဲ့အာရုံခံစားမှုအချက်အလက်တွေနဲ့လိုက်လျောညီထွေဖြစ်တည်နေတဲ့သီးခြားအရာရှိနေတယ်ဆိုတဲ့ (တကယ်တမ်းအဲ့လိုအတိအကျမဟုတ်လှတဲ့) ယုံကြည်မှုကိုတော့အားလျော့သွားအောင်မလုပ်နိုင်ပါဘူး။(အလင်း၊ရှုထောင့်စသည်တို့အရမျက်မြင်တွေ့ရမှုကွဲပြားနိုင်သော်လည်းအရသာ၊အသံ၊အနံ့တို့တွင်မူခံစားရသူများကအတူတူပင်ခံစားရမည်ဟုဆိုလိုရင်းဖြစ်သည်။။ဘာသာပြန်သူ)။အထိအတွေ့နဲ့ပတ်သတ်တဲ့အာရုံခံစားမှုအချက်အလက်တွေမှာတော့တကယ်အထိအတွေ့တခုခုပေးတဲ့သီးခြားအရာဝတ္ထုနဲ့အဲဒီ့အထိအတွေ့ကပေးတဲ့အာရုံခံစားမှုအချက်အလက်တွေဟာလွဲကောင်းလွဲနေနိုင်တဲ့ကိစ္စတော့နည်းနည်းလေးဖြစ်ဖြစ်ရှိနိုင်ပါတယ်။ (စာရေးသူကအထိအတွေ့တခုတည်းဖြင့်ရသောအာရုံခံစားမှုအချက်အလက်များကိုသုံးပြီးအရာတခုသည်မည်သည့်အရာဖြစ်သည်ဟုဆိုလျှင်လွဲနိုင်သေးပြီးအခြားအာရုံခံစားမှုအချက်အလက်များဖြင့်လည်းမည်သည့်အရာဆိုသည်ကိုပေါင်းစပ်ဆုံးဖြတ်ရန်လည်းလိုအပ်သေးသည်ဟုဆိုလိုချင်ပုံရသည်။)

 

အထက်မှာပြောခဲ့တဲ့ပင်ကိုသိယုံကြည်မှုဟာကျနော်တို့ကြုံရတဲ့အာရုံခံစားမှုအတွေ့အကြုံတွေမှာရှေရှေဝေးဝေးစဉ်းစားမနေစေပဲရိုးရိုးရှင်းရှင်းနဲ့စနစ်တကျဖြစ်အောင်အလွယ်လုပ်လိုက်သလိုဖြစ်နေပေမယ့်လည်းအဲဒီလိုယုံကြည်မှုမျိုးကကျနော်တို့ကိုအခက်အခဲတစုံတရာဖြစ်လာအောင်လုပ်မနေတဲ့အတွက်ဒီလိုယုံကြည်မှုမျိုးကိုငြင်းပယ်ဖို့လုံလောက်တဲ့အကြောင်းပြချက်တော့ရှိပုံမရပါဘူး။ဒါ့ကြောင့်ကျနော်တို့ဟာအိပ်မက်မက်တဲ့အခြေအနေလိုဟာမျိုးမှာကြုံရတဲ့အာရုံခံစားမှုအချက်အလက်အပေါ်မူတည်ပြီးတကယ့်အရာတခုခုရှိနေလို့အာရုံခံစားမှုရတာလို့မပြောနိုင်ဘူးဆိုတဲ့သံသယအခြေအနေရှိနေတယ်ဆိုပေမယ့်လည်းကျနော်တို့ဝန်ခံရမှာကတော့ပြင်ပလောကဆိုတာဟာတကယ်ရှိနေတဲ့အပြင်အဲဒီ့ပြင်ပလောကရဲ့ရှိမှုဟာလည်းကျနော်တို့ရဲ့အာရုံခံစားမှုနဲ့ထိတွေ့သိမြင်နေရခြင်းအပေါ်မှာလုံးလုံးချည်းမှီခိုမှုရှိမနေဘူးဆိုတာပဲဖြစ်ပါတယ်။

 

ကျနော်တို့အခုလိုငြင်းခုံလာခဲ့တာကနေရတဲ့ (ပြင်ပလောကတကယ်ရှိတယ်ဆိုတဲ့)နောက်ဆုံးနိဂုံးသတ်အယူဟာသံသယကင်းကင်းနဲ့မှတ်ယူနိုင်တယ်ဆိုပေမယ့်လည်း (အာရုံခံစားမှုအချက်အလက်အရပုံဖော်ထားတဲ့အရှိနဲ့တကယ့်အရှိတို့ကွဲလွဲနိုင်တယ်ဆိုတဲ့ချွင်းချက်မျိုးရှိနေတဲ့အတွက်) ကျနော်တို့မျှော်လင့်ထားသလောက်တော့သံသယကင်းကင်းထားပြီးလုံးဝလက်ခံလိုက်ဖို့အထိတော့ဖြစ်နိုင်ပုံမပေါ်ပါဘူး။ဒါပေမယ့်ဒါမျိုးဟာအတွေးအခေါ်ပညာရဲ့ငြင်းခုံဆွေးနွေးချက်အများစုလိုပုံစံဝင်နေတဲ့အတွက်ဒီနိဂုံးသတ်အယူရဲ့ယေဘုယျသဘောသဘာဝလက္ခဏာနဲ့ကျိုးကြောင်းညီညွတ်ခိုင်လုံမှုတွေကိုတိုတိုနဲ့လိုရင်းရအောင်စဉ်းစားကြည့်ဖို့ကောင်းတယ်လို့ယူဆပါတယ်။အသိမှန်သမျှဟာကျနော်တို့အခုစဉ်းစားလာခဲ့ပုံအရကျနော်တို့ရဲ့ပင်ကိုသိယုံကြည်ချက်တွေအပေါ်မှာအခြေခံပြီးတော့မှတည်ဆောက်ရမှာဖြစ်သလိုအဲဒီ့ပင်ကိုသိယုံကြည်ချက်တွေကိုငြင်းပယ်ရပြီဆိုရင်ကျနော်တို့မှာဘာမှယုံကြည်စရာကျန်မှာမဟုတ်တော့ပါဘူး။ဒါပေမယ့်ကျနော်တို့ရဲ့ပင်ကိုသိယုံကြည်ချက်အမျိုးမျိုးကိုကြည့်မယ်ဆိုရင်တချို့ယုံကြည်ချက်တွေကတချို့ယုံကြည်ချက်တွေထက်အားကောင်းတာကိုတွေ့ရမှာဖြစ်သလိုတချို့ယုံကြည်ချက်တွေကလည်းအလေ့အထအရဖြစ်စေ၊အပြန်အလှန်နှီးနွယ်မှုတွေအရဖြစ်စေတခြားပင်ကိုသိယုံကြည်ချက်မဟုတ်တဲ့ယုံကြည်မှုတွေနဲ့ရစ်ပတ်ညှိတွယ်မိသွားပြီးတော့ဒီရောထွေးနေတဲ့ယုံကြည်ချက်တွေကိုပဲပင်ကိုသိယုံကြည်ချက်တွေပဲရယ်လို့ထင်မှတ်မှားမိတတ်ကြတာလည်းရှိနေပါတယ်။

အတွေးအခေါ်ပညာဟာကျနော်တို့အခိုင်မာဆုံးခံယူထားတဲ့ပင်ကိုသိယုံကြည်ချက်တွေကနေအစပြုပြီးတော့ကျနော်တို့ရဲ့ပင်ကိုသိယုံကြည်ချက်တွေအသီးသီးရဲ့ခိုင်မာမှုအဆင့်ဆင့်ခွဲဖြာသွားမှုတွေကိုလမ်းပြသင့်ပါတယ်။အတွေးအခေါ်ပညာဟာအဲ့ဒီလိုလမ်းပြသွားတဲ့နေရာမှာလည်းပင်ကိုသိနဲ့မသက်ဆိုင်တဲ့ရောပြွှန်းလာမယ့်အပိုဆောင်းယုံကြည်မှုတွေကိုလည်းတကယ့်ပင်ကိုသိယုံကြည်ချက်တွေနဲ့တတ်နိုင်သမျှခွဲခြားထုတ်ပြပြီးတော့လည်းလမ်းပြသင့်ပါတယ်။အဲဒီ့ပင်ကိုသိယုံကြည်မှုတွေနောက်ဆုံးမှာကိုယ့်အတွက်စဉ်းစားစရာဘယ်လိုဖြစ်လာပြီးပုံပေါ်လာတာလဲဆိုတာရယ်၊ကျနော်တို့ရဲ့ပင်ကိုသိယုံကြည်မှုတွေတခုနဲ့တခုဝိရောဓိဖြစ်မနေပဲနဲ့အဲဒီ့ယုံကြည်မှုတွေစုပေါင်းပြီးဟန်ချက်ညီတဲ့တွေးခေါ်ပုံစနစ်တခုပေါ်လာဖို့ရယ်ဆိုတာတွေကိုအတွေးအခေါ်ပညာကဂရုတစိုက်လမ်းပြပေးသင့်ပါတယ်။ပင်ကိုသိယုံကြည်မှုတခုကိုငြင်းပယ်ဖို့အတွက်တခြားပင်ကိုသိယုံကြည်မှုတခုနဲ့ဝိရောဓိမဖြစ်ပဲနဲ့တခြားအကြောင်းရှာလို့ရဖို့မဖြစ်နိုင်တဲ့အတွက်အဲဒီ့ယုံကြည်ချက်တွေတခုနဲ့တခုသဟဇာတဖြစ်ပြီးဟန်ချက်ညီတဲ့စနစ်တခုဖြစ်လာပြီဆိုရင်ဒါဟာလက်ခံစရာကောင်းတဲ့ယုံကြည်မှုစနစ်တခုဖြစ်လာမှာပါ။

 

ကျနော်တို့ရဲ့ယုံကြည်မှုတွေဟာအားလုံးပဲဖြစ်ဖြစ်၊တချို့တဝက်ကပဲဖြစ်ဖြစ်လုံးဝမှားယွင်းနေတယ်ဆိုတာလည်းဖြစ်ကောင်းဖြစ်နေနိုင်တဲ့အတွက်ယုံကြည်မှုအားလုံးကိုသံသယမျှင်မျှင်လေးပဲဖြစ်ဖြစ်ထားကြည့်သင့်ပါတယ်။ဒါပေမယ့်ကျနော်တို့ဟာယုံကြည်မှုတခုကိုငြင်းပယ်ဖို့အတွက်တခြားယုံကြည်မှုအခြေခံတခုခုအပေါ်အခြေမခံပဲနဲ့သက်သက်ချည်းအကြောင်းရှာပြီးငြင်းဖြစ်ဖို့ဆိုတာလည်းမဖြစ်နိုင်ပါဘူး။ကျနော်တို့ရဲ့ပင်ကိုသိယုံကြည်ချက်တွေနဲ့သူတို့ရဲ့အကျိုးဆက်တွေကိုစည်းရုံးစီစဉ်ခြင်းအားဖြင့်သော်လည်းကောင်း၊အဲဒီ့ယုံကြည်ချက်တွေထဲကဖြစ်နိုင်ချေအရှိဆုံးဆုံးယုံကြည်ချက်တွေဟာဘာတွေဖြစ်မလဲဆိုတာကိုစဉ်းစားကြည့်ခြင်းဖြစ်သော်လည်းကောင်း၊လိုအပ်လာရင်လည်းဘယ်ယုံကြည်ချက်တွေကမွမ်းမံသင့်တာ၊ငြင်းပယ်တယ်ဆိုတာကိုဆင်ခြင်ခြင်းအားဖြင့်လည်းကောင်းလုပ်ကိုင်ပြီးတော့ကျနော်တို့ဟာကျနော်တို့အပေါ်ပင်ကိုထင်ဟပ်လာတဲ့အသိကိုသာလျှင်ကျနော်တို့ရဲ့တခုတည်းသောလက်ခံရမယ့်အချက်အလက်ဖြစ်တယ်ဆိုတဲ့အပေါ်မှာအခြေခံပြီးတော့စနစ်တကျနဲ့အစီစဉ်တကျဖြစ်တဲ့ကျနော်တို့ရဲ့အသိပညာတွေကိုစည်းရုံးဖွဲ့စည်းထားတဲ့ပုံစံတခုကိုရမှာဖြစ်ပါတယ်။အဲဒီ့စနစ်တကျဖွဲ့စည်းထားတဲ့အသိပညာအစုအပေါင်းမှာမှားနေနိုင်တဲ့ယုံကြည်မှုတွေပါနေနိုင်ပေမယ့်လည်းအဲဒီ့မှားနေနိုင်မှုတွေကိုယုံကြည်မှုတွေအချင်းချင်းသဟဇာတဖြစ်နေစေတဲ့အချင်းချင်းယှက်နွှယ်မှုတွေအရသော်လည်းကောင်း၊စိစိစပ်စပ်ဝေဖန်ဆန်းစစ်မှုတွေနဲ့သော်လည်းကောင်းပပျောက်စေနိုင်မယ်ဆိုရင်ဒီလိုပင်ကိုသိယုံကြည်မှုစနစ်ကြီးတခုလုံးကိုငြင်းဆန်မနေပဲလက်ခံနေခြင်းကနေလည်းကင်းဝေးနိုင်မှာဖြစ်ပါတယ်။

အနည်းဆုံးတော့အတွေးအခေါ်ပညာဟာအခုပြောခဲ့သလိုမျိုး (ကိုယ့်ပင်ကိုသိယုံကြည်မှုစနစ်ကိုစနစ်တကျအမှားနည်းအောင်တည်ဆောက်တာမျိုး)ကိုလုပ်နိုင်ပါလိမ့်မယ်။အတွေးအခေါ်ပညာရှင်အများကတော့မှားချင်လည်းမှား၊မှန်ချင်လည်းမှန်နေနိုင်မယ့်အမြင်ဖြစ်တဲ့အတွေးအခေါ်ပညာဟာဒါ့ထက်အများကြီးပိုပြီးလုပ်နိုင်တယ်လို့ယူဆကြပါတယ်။သူတို့ကလူတွေဟာစဉ်းစားယူဆတဲ့နေရာမှာစကြာဝဋ္ဌာတခုလုံးကိုခြုံကြည့်ပြီးမှစဉ်းစားမယ်၊တပြိုင်နက်တည်းမှာလဲလုံးဝသေချာတဲ့အရှိတရားရဲ့သဘာဝကိုထည့်စဉ်းစားမယ်ဆိုရင်ရနိုင်စရာရှိတဲ့အသိတရားတွေကိုအတွေးအခေါ်ပညာကပေးနိုင်တယ်လို့ယုံကြည်ကြပါတယ်။ဒီလိုပေးနိုင်တယ်၊မပေးနိုင်ဘူးဆိုတာကိုအသာထားပြီးကျနော်တို့အထက်မှာပြောခဲ့သလောက်ကိုတော့အတွေးအခေါ်ပညာကလမ်းပြပေးနိုင်မယ်ဆိုတာကတော့ပိုပြီးလက်ခံနိုင်စရာရှိမယ်ထင်ပါတယ်။သာမန်အသိရဲ့လုံလောက်မှုကိုသံသယရှိလာတဲ့လူတွေအတွက်လည်းအမယ်ဘုတ်ရဲ့သူ့ချည်ခင်ကိုရှင်းရသည့်သဖွယ်ရှုပ်ထွေး၊ခက်ခဲလှတဲ့အားထုတ်ရမှုတွေရှိနေတဲ့အတွေးအခေါ်ပညာဆိုင်ရာပြဿနာတွေရှင်းရတာဟာလုပ်ကောင်းတဲ့ကိစ္စအဖြစ်ရပ်ခံမှုပေးဖို့လောက်အထိအခုလိုအတွေးအခေါ်ပညာရဲ့လမ်းပြပေးမှုတွေကလုံလောက်နေပါတယ်။

Leaving a comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s